Hvers vegna elska börn risaeðlur?

JÄTTELIK hentar öllum litlum risaeðluunnendum. Þeim sem geta auðveldlega rekið okkur fullorðna fólkið á gat með staðreyndum um matarvenjur grameðlunnar og geta sagt þér að snareðlan gat hlaupið á 50 km hraða á klukkustund. En hvað er það við risaeðlur sem heillar sum börn? Hvað fær þau til að leggja svona mikið magn af staðreyndum á minnið – í viðbót við löngu nöfnin? Við fengum hjálp sérfræðings til að skilja það betur.

Lina Bodestad er barnasálfræðingur. Hún telur að það sé þessi blanda af raunveruleika og ævintýrum sem gera þessi fornsögulegu dýr svona heillandi. „Risaeðlur líkjast dýrum og því ná börnin að tengjast þeim, en þær ýta líka undir ímyndunaraflið með sínum ævintýralega ljóma. Eins og þær sem geta flogið eins og dreki eða að þær sem eru með beittar skrímslatennur. Þegar línan milli raunveruleikans og ævintýraheimsins verður svona óskýr ýtir það undir forvitni og spennu hjá börnum.“

Svo heimurinn verði auðskiljanlegri

En það er ekki bara spennan og ævintýraljóminn sem heillar. Fyrir þriggja til sex ára börn er oft mikilvægt að skipuleggja umhverfi sitt, eins og þegar þau flokka leikföngin sín eftir litum. „Það er eitthvað heillandi fyrir börn á þessum aldri að safna saman staðreyndum og skilja hvernig hlutir eru tengdir, bera þá saman og flokka. Þá verður heimurinn aðeins auðskiljanlegri“, segir Lina.

Eykur sjálfstraust

Þar sem smáatriði og staðreyndir eru mikilvæg fyrir börn eru risaeðlurnar í JÄTTELIK línunni byggðar á raunverulegum risaeðlum. Með þessari sérstöku þekkingu upplifir barnið að kunna eitthvað til hlítar – og það eykur sjálfstraustið. „Þar sem þú sem foreldri veist ekki mikið um risaeðlur getur barnið verið stolt af því að vita meira en þú um muninn á milli þessara rándýra og grasbíta sem voru uppi fyrir 65 milljónum ára.“