Sjálfbærara efni
BACKIG
Djúpur diskur,
20x20 cm, svart

1.990,-/4 stykki

Magn: - +
BACKIG
BACKIG

BACKIG

1.990,- /4 stykki
Vefverslun: Til á lager
Matur er sérstaklega girnilegur á dökkum, glansandi borðbúnaði. BACKIG línan lítur út fyrir að vera úr steinleir en er úr hertu gleri sem brotnar sjaldan upp úr.
BACKIG djúpur diskur

Borðhald með endurnýttu gleri

Dimm, dramatísk og með óvænta fortíð - við erum ekki að taka um karakter úr sápuóperu heldur BACKIG borðbúnaðarlínuna úr endurnýttu gleri sem fengið er úr afgöngum í verksmiðjunni. „Við sækjumst eftir fremsta megni að nota hráefni af sjálfbærum uppruna," segir Nanette Weisdal, sem vinnur fyrir umhverfismál IKEA, „Það er í IKEA genunum."

IKEA byggist á hugsuninni að sóun er dauðasynd. Stofnandi IKEA, Ingvar Kamprad segir það hreint út í skjali sem fjallar um gildi IKEA en hann segir: „Sóun á auðlindum er það em helst plagar mannkynið". Það var þessi hugmyndafræði sem færði okkur flötu pakkningarnar, ljós knúið af sólarorku, bómullarvörur af sjálfbærari uppruna og vörur sem eru úr endurunnu hráefni, líkt og BACKIG.

Ný vara gerð úr leifum annarra

Í frönskum smábæ í örstuttri fjarlægð frá sjónum er stór og upplýst verksmiðja. Bræðsluofnar fýra upp með ofsalegum hita og færibönd spýta út rauðglóandi smákúlum sem verða að ótal IKEA glervörum. „Við glerframleiðslu verður til ákveðið magn af afgangsgleri." segir Daniel Stjernqvist, verkfræðingur og sérfræðingur í gleri til margra ára. Hann starfar í höfuðstöðvum hönnunar fyrir IKEA. Sú bygging er í Älmhult, litlum sænskum bæ sem fæddi af sér gildi IKEA að gera sem mest úr öllu. Daniel útskýrir hvaðan glerleifarnar koma: „Stundum skerum við af vörunum til að laga þær til og stundum brotna vörur eða þær eru með galla eins og loftbólur og þá fara þær úr umferð. Þær eru brotnar niður og settar aftur í bræðsluofninn." Glær gler er endurunnið í glært gler en glerið í BACKIG er dökkt með fjólubláum tón sem fæst þegar gler í mismunandi litum er brætt saman og endurunnið. Úr verður svo dökkt gler að það er nánast svart, þess vegna kallast glerið gjarnan svart gler.

Öruggt, sjálfbært og á viðráðanlegu verði

BACKIG línan var að hluta til framleidd til að geta boðið upp á vörur sem eru ódýrari en borðbúnaðinn okkar úr svörtum steinleir. „Það er ódýrara að framleiða svart gler en svartan steinleir. Því getum við boðið viðskiptavinum okkar upp á annan valkost og lækkað verðið." segir Daniel. Lágur kostnaður hefur ávallt verið markmið IKEA en mikilvægara er þó öryggi fólks. Þar sem glerleifarnar í BACKIG vörunum fara aldrei úr verksmiðjunni eru þær sérstaklega öruggar. Þær koma úr umhverfi sem við vitum að fer eftir ströngustu stöðlum okkar og öryggiskröfum. Öðru hverju notar IKEA endurunnið gler sem kemur frá heimilum fólks en þá fer fram sérstök og ítarleg meðhöndlun til að tryggja öryggi. Þar sem BACKIG kemst í snertingu við mat er línan hönnuð til að vera eins örugg og mögulegt er og fer í gegnum strangar prófanir sem varða heilsu og öryggi. „BACKIG er hugvitsamleg lína," segir Daniel, „efnið er gott og öruggt og því ættum við að nýta það í eitthvað gott."

Sjá meira Sjá minna

Efni

Hvað er gler?

Gler er að mestu úr sandi, natróni og kalki sem er brætt á háum hita. Hægt er að herða glerið eða bæta við það mismunandi aukaefnum til að gera það einstaklega sterkt og höggþolið og í sumum tilfellum má jafnvel taka það úr frysti og setja beint í heitan ofn án þess að það springi. Stór kostur við glerið er að það er hægt að endurvinna það aftur og aftur án þess að það tapi gæðum. Það þarf líka minni orku til að bræða endurunnið gler en til að framleiða nýtt gler. Markmið okkar er að nota eingöngu endurunnið gler í vöruvali okkar í framtíðinni.


Bæta við vörum

Aftur efst
+

Vöruvöktun

Áætlað magn

Tilkynning hefur verið stillt

X