TÅNUM
1.190,-
995,-
Motta sem skiptir máli
Motta sem skiptir máli
TÅNUM mottan er gott dæmi um hvernig við sameinum ástríður okkar fyrir umhverfismálum og betra hversdagslífi. Hún er úr afgangsefnum úr rúmfatalínunum okkar og hver motta er handgerð af hæfileikaríku handverksfólki á góðum vinnustað. Engar tvær mottur eru eins og því er TÅNUM einstök viðbót fyrir hvert heimili. Það sem skiptir þó enn meira máli er að mottan skapar bjartari framtíð fyrir fólkið sem býr hana til.
Hefðbundið sænskt handverk var kveikjan að þessum mottum þar sem þær eru ofnar úr afgangsefni og því nýtum við auðlindir okkar á góðan og ábyrgan máta. Hugmyndin að TÅNUM mottunum kemur frá ungum hönnunarnema sem heitir Erik Bertell. Hann fann upp á nýrri og nútímalegri leið til að endurgera tuskumottuna með endurnýttum vefnaði.
Stöðugar tekjur fyrir konur
Á meðan þróunarferlinu stóð kom einn af framkvæmdarstjórum í birgðaverksmiðjum okkar með þá hugmynd að konur í Karupannya, norður Bangladesh, myndu vefa motturnar. Hann vildi bæta líf fólksins í þorpinu og veita konum þar störf og stöðugar tekjur. Þar sem þetta svæði í Bangladesh er þekkt fyrir gott vefnaðarhandverk varð þetta fullkomið samstarf.
Ekki einfalda leiðin, heldur rétta leiðin
Einfaldast hefði verið að framleiða mottu úr nýju efni í stað þess að senda afgangsefni til vefaranna. Það hefði þó ekki verið IKEA leiðin. „Við viljum að hlutir séu einfaldir en við viljum líka framleiða vörur á sjálfbærari máta. Birgðasali og mottuteymið í skrifstofu IKEA í Nýju Delí unnu saman til að það yrði að veruleika." Segir Rasmus Jönsson sem vinnur með TÅNUM.
Betri aðstæður fyrir fleira fólk
Hluti af okkar framtaki sem við köllum Made by People: Handgerðar mottur, var að fá fólk í Karupannya til að vefa motturnar. Þetta er langtíma verkefni hjá IKEA sem kemur á fót vefmiðstöðum nálægt þorpunum. Með því að sameina vefara er hægt að fylgjast með og bæta framleiðslu og vinnuumhverfi. Þannig sköpum við betri aðstæður fyrir vefarana og þau öðlast vinnuvistvænna umhverfi sem krefst þess ekki að fólk noti mikinn vöðvastyrk. „Það besta er að við bjóðum upp á hagnýtar og fallegar mottur fyrir þúsundir heimila með afgangsefnum, og á sama tíma sköpum við störf fyrir konur í Bangladesh. Þetta er bæði gott fyrir fólk og umhverfið." segir Rasmus.
Efni
Hvað er bómull?
Bómull er ein af vinsælustu náttúrulegu trefjunum í heiminum í dag. Vefnaðarvara úr bómull er mjúk, endingargóð og það er hægt að þvo hana á háum hita. Hún andar einnig vel og dregur í sig raka – sem gerir það að verkum að gott er að hafa hana næst líkamanum. Við hjá IKEA notum meira og meira af endurunninni bómull og kappkostum við að tryggja að öll ný bómull sem við notum sé ræktuð og unnin með minna magni af skordýraeitri, áburði og vatni.
People and Communities
Handgert og með tilgang
Hver TÅNUM motta er úr afgangsbútum sem falla til við framleiðslu á rúmfötunum okkar. Bútarnir eru endurnýttir af færu handverksfólki sem gera úr þeim stórkostlegar mottur . Með því að velja TÅNUM mottu ertu að færa heimilinu einstakan mun án þess að ganga á auðlindir jarðar.
