Hvað er bómull?

Bómull er ein af vinsælustu náttúrulegu trefjunum í heiminum í dag. Vefnaðarvara úr bómull er mjúk, endingargóð og það er hægt að þvo hana á háum hita. Hún andar einnig vel og dregur í sig raka – sem gerir það að verkum að gott er að hafa hana næst líkamanum. Við hjá IKEA notum meira og meira af endurunninni bómull og kappkostum við að tryggja að öll ný bómull sem við notum sé ræktuð og unnin með minna magni af skordýraeitri, áburði og vatni.

Bómull er hentugt og endingargott náttúrulegt hráefni. Hún kemur úr fræbelgjum bómullarplöntunnar, sem myndar lítinn hnoðra þegar þeir blómstra. Bómullarmottur eru auðveldar í umhirðu þar sem það má þvo þær í vél og þær þola mikinn hita. Bómullin verður þung þegar hún blotnar svo það er mikilvægt að athuga hversu mikinn þunga þvottavélin þolir. Einnig er gott að vita að bómull á það til að hlaupa í þvotti, svo þú þarft hugsanlega að teygja úr mottunni þegar þú hefur þvegið hana.