Innlit í Kaffi Kanil

IKEA vörur eru vinsælar á heimilum en það sem kemur mögulega einhverjum á óvart er að þær eru einnig afar algengar í atvinnurýmum eins og skrifstofum, verslunum og veitingastöðum. Því settum við upp sýningarrými, eða stúku eins og við köllum það, sem sýnir hvernig vöruúrval okkar og lausnir virka fyrir kaffihús.

Hverri stúku fylgir vinnuskjal – meðal annars er ákveðið hvert markmiðið er, skilaboðin, aðalvörur, stílflokkur og verðflokkur og loks er stúkan hönnuð út frá því.


Markmið: Sýna METOD fyrir Fyrirtækjaþjónustu

Aðalskilaboð: Kaffihús í Vesturbænum

Aðalvara: METOD og STENSELE

Stílflokkur: Skandinavískt, hefðbundið

Verðflokkur: Miðlungs

Stemning: Hlýlegt og lítið kafihús í skandinavískum stíl

Lítið kaffihús, með mikinn karakter! Hlýleg málning á veggjum, fallegar borðplötur í djúpum viðarlit, ljósaskermar úr náttúrulegum efnivið í bland við svartar opnar hirslur, hillur, framhliðar og klæðningar (sem eru í raun hurðir) – allt þetta kallar fram heimilislega og þægilega stemningu.

 

Hlýlegt og lítið kaffihús

 

„Kaffi Kanill er hannað með það í huga að koma viðskiptavininum á óvart. Það á að veita innblástur og sýna fram á að það er alltaf eitthvað nýtt og viðeigandi í IKEA. Við lögðum upp með að sýna METOD eldhúsinnréttingar sem lausn fyrir lítið rými og fyrirtæki sem að lokum varð hlýlegt og lítið kaffihús. Með því að búa til kaffihús tókst okkur að sýna heildarlausnir og breitt vöruúrval sem við höfum upp á að bjóða fyrir fyrirtæki í veitingarekstri“.


Sirrý Sæmundsdóttir

Hópstjóri Innanhússhönnuða hjá IKEA

Hér er allt útpælt – allt frá lit á veggjum og borðplötum að glösum og flokkunaraðstöðu. Þó að grunnurinn að flestum rýmum sé sá sami þá er að ýmsu að huga þegar rýmið er ætlað fyrir rekstur. Hentisemi skiptir gríðarlega miklu máli ásamt lýsingu og hirsluplássi.

 

Við uppsetningu á eldhúsinu var mikið lagt upp úr opnum hirslum, fyrir betra aðgengi og til að færa vörunum sviðsljósið.
Slá á vegg losar pláss á borðplötunni og heldur nauðsynjavörum innan handar.

Afgreiðsluborðið samanstendur af KARLBY borðplötu og METOD skápum en í stað klæðninga eru hurðir sem skapa áferð og fallegt yfirbragð.

 

Í stað þess að hafa falda aukaskúffu í efri skúffunni, eins og er algengt á mörgum heimilum, eru þrjár skúffur í röð. Það hentar betur í eldhúsi sem er notað í atvinnustarfsemi vegna

 

Stólarnir eru samþykktir til notkunar fyrir atvinnurekstur.
Hátt barborð við glugga er smíðað úr KARLBY borðplötum, útfært af starfsfólki Útstillingadeildar.
Stór spegill stækkar og fegrar rýmið.

Tröppur koma sér alltaf vel! Gott er að nýta vegginn til að geyma nauðsynjavörur. Í efri hillum er best að hafa hluti sem sjaldan þarf að nálgast – en þegar þess þarf þá er eins gott að hafa stöðugar tröppur.

 

Vefnaðarvörur gera ótrúlega mikið fyrir rýmið og auðvelda þér að umbreyta því þegar þú vilt fríska upp á það – til að mynda með því að skipta út púðaverum og teppum.

 

Í vöruúrvali IKEA er einnig mikið af borðbúnaði, framreiðsluvörum og skipulagsvörum og því er hægt að fá nánast allt á einum stað – þó ekki þessa glæsilegu kaffivél.

Plöntur – hvort sem þær eru lifandi eða gervi – lífga upp á hvaða rými sem er og gera það notalegra!

 

Back to top
+

Product added to your favorites

Product removed from your favorites

Back to stock notification

Estimated quantity

Alert has been set correctly

X