Litapalletta sem eldist vel
Tískulitir koma og fara en bjartur hvítur bakgrunnur kemur til með að þjóna borðstofunni um ókomin ár. Hann passar svo að segja við allt, veitir eldri húsgögnum ferskt útlit og það er óþarfi að breyta honum ef þú skiptir um stíl seinna meir.
Næsta stopp: Hirslur
Glerskápar eru einkennandi fyrir sveitastíl og þessi gegnir einnig mikilvægu hlutverki. Hann geymir allt leirtau og glös nærri borðstofunni. Breið einingin passar nánast fullkomlega upp við vegginn og fyrir ofan hann er nóg pláss fyrir skrautmuni og listaverk.
Erfðagripir og nytjamarkaður, eða hvað?
Til að skapa skemmtilegan sveitastíl á heimilinu er snjallt að blanda saman alls konar hlutum. Mismunandi diskar, skálar og glös með rúnnaðar brúnir eða upphleypt mynstur, í náttúrulegum litum eða með gyllingu á allt sinn stað í borðstofuskápnum. Það gæti alveg eins verið að þessu hafi verið safnað í gegnum árin.
Fegraðu með fallegum framreiðslufötum
Víkið til hliðar myndarammar. Diskar og annar borðbúnaður sóma sér jafn vel á vegg og borði – við erum viss um að langalangamma þín hefði verið sammála. Hér eru hlutum eins og lömpum og kertastjökum, vösum og bókum raðað saman til að vekja upp tilfinningar um þá gömlu góðu daga á ferskan og nýjan hátt.
Borðhald upp á gamla mátann
Næst á dagskrá er borðstofuborðið. Útskorni fóturinn ásamt öðrum fallegum smáatriðum gefur því heilmikinn sjarma og vekur upp hughrif frá öðru tímabili. Borðið er smátt um sig og hringlaga og hentar þessu litla rými vel. Viðbótarstækkunin gerir þeim svo kleift að bæta við tveimur gestum.
Sumt er héðan, annað þaðan
Þegar þú hélst að sveitastílinn yrði alltumlykjandi þá bætist við áhrifamikið loftljós til að hrista upp í hlutunum. Það grípur svo sannarlega augað og dregur athygli að borðstofuborðinu, á sama hátt smellpassa mjúku línurnar og hvíti liturinn við annað á heimilinu.
Má bjóða þér sæti?
Stólarnir eru síðasta púslið í borðstofuna – og þó að stólarnir séu úr sitthvorum stílnum, annars vegar nútímastíl og hins vegar hefðbundnum sveitastíl, er þetta einfaldlega púsl sem passar saman. Tveir fallega hvítir látlausir stólar með rúnnuðum köntum og tveir handofnir stólar úr náttúrulegum reyr til að brjóta upp borðhaldið. Gjörðu svo vel!
Taktu skref inn á annað heimili
