Spónaplata er unnin úr endurunnum við og afgöngum frá sögunarverksmiðjum – þannig verður viður sem ekki er í réttum lit, viðarflísar og sag að auðlind í stað þess að enda mögulega sem rusl. Við notum plöturnar í hluti eins og bókaskápa, rúmgrindur, sófa og eldhússkápa. Til að verja þær fyrir sliti og raka setjum við á þær lakk, viðarspón eða filmu sem bætir útlit húsgagnsins.

Þetta er BILLY – fjölhæfasti bókaskápurinn okkar. Með BILLY getur þú sett upp þitt eigið bókasafn þar sem fer vel um bækurnar þínar og þú finnur til löngunar til lesturs. Bókaskáparnir eru fáanlegir í ýmsum stærðum, litum og með mismunandi áferðum sem henta öllum bókum og rýmum. Þú getur svo bætt við hillum og upphækkunum þegar bókasafnið stækkar.

Þegar ég fékk það verkefni að hanna einfalda, hagnýta og sniðuga hirslu fyrir bækur gerði ég mér ekki í hugarlund að BILLY bókaskápurinn færi inn á svona mörg heimili um allan heim. Ég man hvað ég var ánægður með stillanlegu hillurnar og dýptina á bókaskápnum – fullkomin fyrir bækur. Við gátum flutt hann í flötum pakka – sem er í raun mín hugmynd. Bókaskápurinn er ein af þeim vörum sem ég held mest upp á og ég vona að hann verði til um ókomin ár.