Saga
Hvort sem það er fyrir nám, vinnu, ást eða bara fjárhagsáætlun, þá er það að flytja og aðlagast nýju heimili orðið hluti af lífinu fyrir mörg okkar. Það er því skynsamlegt að húsgögnin okkar geti fylgt okkur á milli staða.
Þess vegna vildu hönnuðurinn Henrik Preutz og Ina Klepper vöruhönnuður hjá IKEA búa til rúm sem væri hægt að flytja á milli heimila mörgum sinnum og aðlaga að hvaða rými sem er hvort sem þörf væri á einbreiðu eða tvíbreiðu rúmi. Þetta virðist vera stórt verkefni en fyrir Inu, Henrik og restina af hönnunarteyminu á bak við UTÅKER rúmið var þetta bara spurning um að sækja innblástur úr þeirra eigin lífi. etta virðist vera stórt verkefni en fyrir Inu, Henrik og restina af hönnunarteyminu á bak við UTÅKER rúmið var þetta bara spurning um að sækja innblástur úr þeirra eigin lífi.
Búið til fyrir kynslóð á ferð
Hvort sem þú elskar eða hatar orðið „aldamótakynslóðin“ er það ekkert leyndarmál að líf margra sem fæddir eru á níunda og tíunda áratugnum er ólíkt fyrri kynslóðum. Föst heimili, störf og hverfi eru einfaldlega ekki í eins miklum fókus og áður og nú leitar fólk meira eftir því að ferðast meira, öðlast þýðingarmikla reynslu og skilja eftir sig minna umhverfisspor. Ina tilheyrir sjálf þessum aldurshóp og komst að því að hefðbundin rúm hentuðu ekki lífi hennar eða vina hennar á sem bestan hátt. „Mörg rúm og sófarúm geta verið frekar þung og það er ekki svo auðvelt að færa þau úr einu rými í annað,“ segir Ina, „og satt best að segja viltu líklega aðeins þurfa að setja þau saman einu sinni.“ Ekki beint tilvalið fyrir fólk sem er oft að flytja eða að breyta heimilisaðstæðum sínum. „Þannig að við fengum þessa hugmynd um staflanlegt rúm, sem auðvelt væri að setja saman og taka í sundur aftur til flutnings, en væri einnig úr gegnheilum viði svo að það sé endingargott,“ segir Ina.
Frá hönnunargólfi til heimilis
Það er alltaf mikið að gera á hönnunargólfinu í IKEA of Sweden í Älmhult. En þrátt fyrir það náði UTÅKER hönnunarteymið að afmarka 25 fermetra gólfpláss sem markaði íbúð og fékk tvær manneskjur sem heita Dieter og Hanna til að búa þar á meðan þar á meðan þau fundu út hvað hentaði best. „Okkur datt í hug að hún byggi í þessari litlu íbúð á meðan hann ferðaðist mikið og þau væru bara saman um helgar,“ útskýrir Ina. „Til að passa við þann lífsstíl hönnuðum við rúmið þannig að það virkaði sem einbreitt rúm þar sem báðum rúmgrindum var staflað hvor ofan á aðra yfir vikuna til að spara pláss og væru svo sett hlið við hlið sem tvíbreitt rúm þegar Dieter kom heim.“ F yrir vini eða vinnufélaga er einnig auðveldlega hægt að aðskilja rúmin til að búa til tvö einbreið rúm.
„Önnur hugmynd var sú að þar sem þau væru bara með lítið rými þá gætu þau ekki fyllt það með of miklu af hlutum,“ heldur Ina áfram. „Við vildum að rúmið gegndi eins mörgum hlutverkum og hægt væri,“ segir hún. „Við gerðum það því þannig að það er hægt að nota það sem sófa, sæti fyrir afslappað borðhald eða ef rýmið er furðulegt í laginu, þá er hægt að færa báða partana til svo þeir passi saman eins og þér hentar.“ Að lokum fengum við þá hugmynd að það ætti að vera hægt að laga rúmið að hvaða stíl eða persónuleika sem er. „Við reyndum að hafa rúmið eins lítið og við gátum og ekki eyða neinu efni þegar við bjuggum það til,“ segir Ina. „Það er mjög hagnýtt og án alls skrauts svo þú getur aðlagað það að þínum þörfum. Þú gætir málað það í björtum lit eða haldið því stílhreinu og einföldu. Ef þú vilt bæta við leðurhandfangi eða einhverju öðru þá er það lítið mál. Þetta er hreinn strigi fyrir þig til að koma þínum hugmyndum í framkvæmd.“ Fyrir þau sem flytja inn í lítil heimili, inn með maka (eða aftur út) eða vilja bara bæta persónuleika við húsgögnin sín vonum við að UTÅKER rúmið auðveldi þér lífið og flutningana.
