IKEA innkallar BLÅVINGAD veiðileik vegna mögulegrar köfnunarhættu
IKEA hvetur viðskiptavini sem eiga BLÅVINGAD veiðileik til að taka hann úr umferð og skila í IKEA þar sem hann verður að fullu endurgreiddur.
Öryggi er alltaf efst á forgangslista IKEA og því hefur verið ákveðið að innkalla BLÅVINGAD veiðileik vegna mögulegrar köfnunarhættu. Við vöruþróun notast IKEA við strangt áhættumat og prófanir til að tryggja að vörur okkar standist öll gildandi lög og staðla á þeim mörkuðum þar sem þær eru seldar.
Þrátt fyrir þessar öryggisprófanir höfum við fengið upplýsingar um að litlar málmfestingar í leikfanginu geti losnað og haft í för með sér mögulega köfnunarhættu, sérstaklega hjá ungum börnum. Því er BLÅVINGAD veiðileikurinn innkallaður.
Hægt er að skila BLÅVINGAD veiðileiknum í IKEA versluninni og fá hann endurgreiddan að fullu. Kvittun er ekki skilyrði fyrir endurgreiðslu.
Nánari upplýsingar eru veittar í þjónustuveri í síma 520 2500 og á IKEA.is.
IKEA biðst velvirðingar á óþægindum sem þetta kann að valda.
