Þetta er IKEA 365+ línan, sem stendur fyrir allt sem við teljum að einkenni góða hversdagsvöru. Klassískir litir og hönnun sem aldrei fer úr tísku og passar vel við aðra hluti. Harðgerð efni sem þola daglega notkun. Og einnig skemmtileg smáatriði sem gerir eldamennskuna auðvelda og skemmtilega - alla daga ársins. Við vonum að þú sért því sammála.

Þú finnur ryðfrítt stál í allt frá byggingamannvirkjum og bílum til vaska og hnífa, Það er auðvelt að sjá hvers vegna það er notað í svona margt. Ryðfrítt stál er hart og endingargott og tærist lítið – sem sagt ryðgar ekki. Það inniheldur vanalega lítið af nikkeli og í IKEA vörur er aðallega notað nikkelfrítt stál. Eins og með marga aðra málma er hægt að endurvinna það aftur og aftur í nýja slitsterka hluti – án þess að það tapi dýrmætum eiginleikum sínum.

Flest eldhúsáhöldin okkar sem eru úr plasti, eins og spaðar, ausur og þeytarar, þola hita eða allt að 220°C (428°F) það er hærra en venjulegur eldunarhiti. Þetta þýðir að þú getur skilið áhöldin eftir í pottinum eða á pönnunni án þess að hafa áhyggjur. Ef þú ert með eldunarílát sem eru húðuð að innan, þá mælum við með því að þú notir plast-, eða tréáhöld. Þau eru mýkri en málmur og tryggja betri endingu.