Saga
Í hvert sinn sem þú burstar tennur, þværð hendur, rakar þig eða ferð í bað getur þú gert nokkuð afar mikilvægt - sparað vatn. Þess vegna eru öll blöndunartækin okkar með litlu sigti sem dregur úr vatns- og orkunotkun en heldur sama þrýstingi. Þetta er þó aðeins lítill hluti af stærra verkefni: Að varðveita meira hreint vatn en við notum.
Antony Smith, verkfræðingur frá Englandi, man þegar hann gekk til liðs við IKEA og er hluti af litlu teymi sem þróar vatnskrana og sturtur. „Ég áttaði mig á því að við fylgjum því sem við predikum um sjálfbærni. Það var ánægjuleg áminning, því það þýðir að vinnan okkar skilar sér í sjálfbærni til viðskiptavina,“ segir Antony.
Vatn er verðmætt, ekki sjálfsagður hlutur
Af hverju er mikilvægt að varðveita vatn? Af því að engin lifandi vera lifir af án vatns og ekkert nýtt vatn verður til. Vatn er sífellt endurnýtt en ferskvatnið er ofnýtt, ekki dreift jafnt á milli fólks. Það verður fyrir áhrifum mengunar, spillingar og loftslagsbreytinga. „Þau okkar sem búa þar sem þarf bara að skrúfa frá krananum hugsa mögulega ekki um að spara vatnið, það tekur því sem sjálfsögðum hlut,“ segir Antony.
Hugsað um vatn í hverju skrefi
Bak við tjöldin erum við ávallt að leita leiða til að auka vatnssparnað. Það þýðiur að við útvegum starfsfólki í verksmiðjum okkar og fjölskyldum þeirra hreint drykkjarhæft vatn, tryggjum að vatnið í verksmiðjunni sé hreint áður en við losum það, drögum úr vatnsnotkun við vefnaðarframleiðslu og notum regnvatn til að sturta niður salernum í vöruhúsunum. Nú ætlum við að vinna að nýjum vatnskrönum með nemum og spraututækni, og nýjum sturtum sem nýta vatnið vel. Hver dropi skiptir máli.
