Saga
Fyrir allar líkamsgerðir
Hvernig ferð þú að því að hanna flík sem passar ekki aðeins á þig heldur einnig alla nágranna þína? Við erum öll ólík í útliti og persónuleika og eigum okkar eigin áhugamál. Við eigum þó meira sameiginlegt en við gerum okkur grein fyrir. Það var það sem Sara Onsmark, einn af vöruhönnuðunum okkar, uppgötvaði þegar hún hannaði ROCKÅN sloppinn.
Sara er með bakgrunn í fatahönnun og veit af fyrstu hendi hversu erfitt er að hanna eitthvað sem passar fyrir flestar líkamsgerðir. Hún og þróunarteymið hugsuðu með sér að sniðugt væri að biðja fólkið sem vinnur í verksmiðjunum um aðstoð. Það myndi gefa okkur tækifæri til að sjá hvernig fólk notar baðsloppa og hvernig þeir passa mismunandi líkamsstærðum. „Eftir örlítinn vandræðagang spígsporuðu þau um verksmiðjugólfið og mátuðu mismunandi frumgerðir. Sumir voru afar opnir og sögðu sína skoðun en aðrir voru feimnari," segir Sara.
Ekkert innan undir? Ekkert mál
Eitt af því fyrsta sem Sara og teymið hennar þurftu að ákveða var hvaða efni þau ættu að nota. Þau vildu eitthvað sem þornar hratt og kostar ekki of mikið. Fyrirsæturnar gátu aðstoðað þau við að þrengja valkostina. „Nokkur þeirra hvísluðu: 'Hmm, yfirleitt erum við ekki í mikið af fötum innan undir baðsloppinum.' Það þýddi að við þyrftum að velja mjúkt frotteefni og gæta þess að hafa ekki sauma sem nuddast upp við húðina. Við settum einnig lykkjuna til að hengja sloppinn upp utan á hann svo fólki gæti liðið vel í honum án fata," segir Sara.
Misjafnar leiðir til að binda sloppinn um sig
Teymið komst að áhugaverðri niðurstöðu varðandi hvernig konur og karlar binda sloppinn sinn. Flestir menn binda beltið undir magann en margar konur binda það ofar, í mittinu. „Við bættum við færanlegri lykkju úr öðruvísi efni sem virkar sama hvernig þú bindur beltið. Þetta er lítið en mikilvægt smáatriði sem gefur sloppnum meira notagildi og einstakt útlit."
Eins og við viljum hafa það
Það sem var einnig mikil uppgötvun voru hendur fólks: „Við tókum eftir því að sumir vissu ekki hvað þeir áttu að gera við hendurnar sínar þegar baðsloppurinn var bundinn saman og vasarnir enduðu framan á maganum. Til að leysa þetta settum við vasana aftar á sloppinn og settum rifurnar á hliðarnar," segir Sara. Við virðumst einnig sitja á ákveðinn hátt þegar við slökum á í baðslopp. „Sumar fyrirsæturnar okkar sögðu: 'Úps, kannski ég ætti að krossleggja fæturna svo ég sýni ekki of mikið?' Okkur finnst samt að fólk eigi að geta setið eins og því hentar. Þar sem ROCKÅN skarast mikið og er lengri en meðalsloppur er auðvelt að hylja leggina og því þarft þú ekki að hafa áhyggjur af þessum hlutum," segir Sara.
Ásamt fólki eins og okkur
Þegar við unnum á verksmiðjugólfinu með fyrirsætunum okkar spruttu upp hugmyndir og að auki varð framleiðslan hraðari. „Við spurðum fjölda spurninga og fylgdumst með því hvernig þau hreyfðu sig í baðsloppunum. Þegar við þróum vörur með einstaklingum með misjafnar þarfir eru meiri líkur á að við bætum dagleg líf sem flestra Eins og í þessu tilfelli gátum við gert slopp sem fer öllum vel og öllum líður vel í," segir Sara.
