„Þegar ég hannaði BUSUNGE húsgagnalínuna þá var ég að hugsa um hvernig börn nota herbergin sín og húsgögn. Ég á sjálfur 4 ára gamalt barn og veit að barnaherbergið er þeirra eigið svæði – og að húsgögnin þeirra eiga að vera örugg og hvetja til leikja. Þess vegna hafði ég alla kanta rúnnaða. Og ég hannaði húsgögnin út frá stærð barna þannig að þau væru þægileg í notkun og hvetji þau til þess að vera sjálfstæð. BUSUNGE mun endast lengi þar sem yfirborðið er endingargott og stíllinn er varanlegur. Ég vona að þú látir þau svo ganga til yngri systkina, því það er afar umhverfisvænt!“

Við notum samsettar plötur í mikið af húsgögnunum okkar, til dæmis í borð og fataskápa. Þær eru léttar en samt stöðugar og endingargóðar. Hver plata er gerð með ramma úr spónaplötu, trefjaplötu eða gegnheilum við sem fyllt er upp í með pappa, að mestu endurunnum. Lögun pappafyllingarinnar gerir hana sérlega endingargóða. Platan er svo húðuð með málningu, þynnu eða viðarspóni eftir því hvaða útlit við viljum fá.