Allt til reiðu fyrir nýjasta fjölskyldumeðliminn

Það getur verið svolítið stressandi þegar nýtt barn bætist við fjölskylduna, þótt það sé líka alveg stórfenglegt. Það er unun að fylgjast með þroska barnsins, allt frá fyrsta brosinu að glaðlegu hjali. Við hönnuðum ÄLSKVÄRD vörurnar, vögguna, rúmið og skiptiborðið, með það í huga að veita barninu öruggt, þægilegt og sveigjanlegt umhverfi.

„Börn eru auðvitað ólík,“ segir Sarah Fager, hönnuður ÄLSKVÄRD línunnar. „En það sem flestir nýbakaðir foreldrar eiga sameiginlegt er að vilja ná tökum á svefnrútínunni. Vel úthvílt barn er ánægt barn – og úthvíldir foreldrar.“

Öruggur og notalegur svefnstaður

Er eitthvað meira róandi en að horfa á barn sofa? ÄLSKVÄRD ungbarnavaggan er með gegnsæju efni og þú getur því séð barnið þegar þú liggur í rúminu þínu. Ofið efnið andar vel og skapar þægilegt svefnumhverfi fyrir barnið. „Vaggan er á hjólum og þú getur því rúllað henni á milli herbergja. Þegar hjólunum er læst stendur hún stöðug þegar þú leggur barnið niður.“

Notalegt fyrir barnið

Þegar barnið getur sest upp, farið upp á hnén eða staðið upp er tími til að skipta yfir í ÄLSKVÄRD ungbarnarúmið. Líkt og vaggan og skiptiborðið er rúmið úr sveigðum við, með rúnnuðum hornum. „Nýir foreldrar eru ekki endilega hrifnir af tilhugsunini um skarpar brúnir. Það er notalegra að hafa rúnnuð horn í kringum barnið,“ segir Sarah. „Ljós viðurinn gefur ÄLSKVÄRD tímalaust skandinavískt útlit sem er hentugt þegar húsgagnið endist vel og getur gengið á milli barna.“