Saga
Við höfum lengi boðið upp á rimlahlífar í barnarúm, en þar sem við viljum ávallt bæta og þróa vörurnar okkar hafa þær verið endurnýjaðar af og til. LEN er ný endurbót og í þetta sinn ákváðum við að gera mjúku pólýesterfyllinguna að hluta til með plasti sem er endurunnið úr PET-flöskum. Þar sem flöskurnar eru samþykktar fyrir matvæli er efnið öruggt. LEN er góður kostur, fyrir bæði börn og fullorðna.
Fyrstu mánuðina sefur barn yfirleitt mestan hluta dagsins. Börn eru ólík en flest þurfa þau um 15-18 kukkustundir af svefni á dag. Rimlahlíf í rúminu minnkar líkurnar á að barnið þitt meiði sig á hörðum rimlum rúmsins eða flækist í þeim. Fyllingin er mjúk og svefnumhverfið verður því notalegt. Við hjá IKEA höfum lengi boðið upp á rimlahlífar í barnarúm, en þar sem við viljum ávallt bæta og þróa vörurnar okkar hafa þær verið endurnýjaðar af og til.
Fylling úr sjálfbærara efni
Þegar við hönnuðum LEN rimlahlífina vildum við hætta að nota nýtt pólýester sem er unnið úr olíu. Danguole Gvaldiene, sem hannar vörur fyrir Barna IKEA, útskýrir þetta: „Við hjá IKEA höfum tekið ákvörðun um að hætta smám saman að nota jarðefni á borð við kol, olíu og náttúrugas. Þess vegna völdum við endurunnið pólýester í LEN rimlahlífina, því það er að mestu búið til úr endurunnum PET-flöskum.“ Um allan heim felllur mikið til af flöskum úr PET-plasti. Flestum þeirra er hent en nú er sífellt algengara að þær séu endurunnar í nýtt hráefni. Þar sem flöskurnar eru samþykktar fyrir matvæli er efnið öruggt fyrir börn og fullorðna. „Barna IKEA fylgir ströngustu öryggiskröfum heims og við förum meira að segja oft skrefinu lengra, því börn eru jú mikilvægasta fólkið,“ segir Danguole.
Litlar breytingar geta haft mikil áhrif
Annað mikilvægt atriði er stöðugleiki rimlahlífarinnar. Hún þarf að vera stíf en samt ekki það stíf að börnin geti klifrað upp á hana þegar þau stækka. Teymið rannsakaði og prófaði hlífina til hins ýtrasta til þess að fullkomna hana. „Stundum snerist það um smáatriði eins og að færa franska rennilásinn um einn millimeter. Við fórum í gegnum margar prótótýpur áður en við vorum sátt.“ Barna IKEA er með öryggissérfræðinga á sínu snæri sem prófa allar vörur í öllu hönnunarferlinu. „Vöruhönnun er mikilvæg og krefst tíma og nákvæmni,“ útskýrir Danguole. „Fjöldi fólks kaupir vörurnar okkar og með því að betrumbæta þær og gera þær umhverfisvænni leggjum við okkar af mörkum fyrir betri framtíð.“
