Nýsköpun veitir þægindi

BERGMUND var hannaður til að þú getir setið í þægilegri stöðu lengi án þess að fá verk í bak eða fótleggi. Eftir að hafa kynnt okkur nýja rannsókn um mannslíkamann þróuðum við tækni sem gerir okkur kleift að hanna sessu sem veitir sem mest þægindi.

Þótt setstaða virðist ekki mjög virk staða, þá notum við samt allt frá beinum og vöðvum, sinum og brjósks til liðamóta. „Það er mikilvægt að stóllinn styðji við rétta staði líkamans svo þú getir setið lengur á þægilegan hátt,“ útskýrir efnishönnuðurinn Anders Bergner.

Svipuð setbein

Anders og teymið hans kynnti sér nýja rannsókn til þess að hanna lögun sætisins og finna hentugasta hornið milli sætis og baks. Þau komust að ýmsu um mannslíkamann, til dæmis að setbein eru eins í næstum öllu mannfólki. „Það skiptir ekki máli hvort manneskjan er 1,85 m á hæð eða lægri. Skálarlaga undirlag sessunnar passar því fyrir 99% fólks í heiminum.“

Áhersla á meiri þægindi

Pólýesterefnið í sessunni og bakinu samanstendur af fíngerðum trefjum sem liggja lóðrétt og veita mikinn teygjanleika í samanburði við trefjar sem eru í flæktar saman. Anders og teymið þróaði nýstárlega tækni til að auka þægindi sessunnar með því að móta fyllinguna. „Þetta er eins og vöfflujárn. Pólýestertrefjarnar fara inn í sérstakt tæki þar sem þær fá rétta lögun.“ Eftir að hafa varið nokkrum árum í hönnun stólsins vonast Anders að BERGMUND geri fólki kleift að staldra við og slaka á aðeins lengur. „Þegar fólki líður vel er hægt að sitja lengi saman og beina athyglinni að samræðunum.“