Saga
Listin að gera meira úr minna
Stundum getur lausnin verið nær en maður heldur. Það þarf bara að horfa á hlutina frá öðru sjónarhorni. Það var það sem gerðist þegar við vildum gera nýjar sjálfbærar eldhúsframhliðar. Efniviðurinn sem við notum bæði utan á og inn í FRÖJERED skúffuframhliðarnar er algengur í vörunum okkar en hefur ekki áður verið notaður í eldhús.
Sara Åberg vinnur við vörustýringu fyrir eldhúsin okkar og er alltaf að leita að nýjum efnivið og hönnun sem stuðlar að sjálfbærari eldhúsum. „IKEA hefur reynda sérfræðinga í mismunandi efnivið á sínum snærum og þeir bentu okkur á að bambus gæti verið áhugaverður umhverfisvænn kostur í skúffuframhliðar“, segir Sara. Bambus er grastegund sem vex mjög hratt. Þegar bambusinn hefur verið höggvinn niður koma nýir sprotar á ræturnar og ræktunin þarfnast hvorki vökvunar eða skordýraeiturs.
Náttúruleg tilbrigði
Til að gera flatt yfirborð úr hörðum bambusnum eru teknar ræmur af trefjum og þær límdar saman í lögum. „Bambus ræmurnar hafa hver sinn náttúrulega litatón og venjulega er þeim sem skera sig úr hent. En við ákváðum heldur að blanda þeim öllum saman í stað þess að leita að rétta litnum. Þannig náðum við að nota meira af efniviðnum og FRÖJERED er enn líflegra og fallegra.“
Létt og sterkbyggð smíði
Fyllingin í framhliðunum er nýjung í eldhúsi. Við notum smíði sem við höfum lengi notað í hillur og aðrar vörur, einskonar samloku – og höfum nú gert hana þynnri. Þannig verður framhliðin mjög létt en samt sterkbyggð og þarfnast minni efniviðar. Fyllingin er úr 100% endurunnum pappír sem er formaður eins og vaxkaka. Vinnan við FRÖJERED var mjög gott samstarfsverkefni segir Sara. „Með því að taka efnivið og smíði sem við þekkjum og setja það saman á nýjan hátt hefur okkur tekist að nýta auðlindir jarðar á skynsamari hátt.“