Skemmtilegri hirsla

Með TIGERFINK vildum við gera sniðuga og einfalda hirslu þar sem hægt væri að geyma mjúkdýr og leikföng. Þar getur barnið fundið uppáhaldsleikfangið sitt fljótt og vel – og komið öllu fyrir á sínum stað þegar það kemur að háttatíma. En TIGERFINK er í raun meira en bara hirsla.

Hirsla. Lítið orð sem þýðir margt á flestum heimilum – og okkur í Barna IKEA. „VIð erum með margar góðar hirslulausnir í vöruúrvalinu,“ segir hönnuðurinn Johanna Jelinek. „En við sáum þörf á einhverri léttari og sveigjanlegri.“

Hirsla sem færist með leiknum

Johanna og teymið hennar höfðu í huga að notast við textíl alveg frá upphafi. „Við vildum hverfa frá algengustu hirslulausnunum eins og hörðum kössum og skapa eitthvað sem væri auðvelt að færa á milli rýma. Netefnið er mjúkt og notalegt og þú getur tekið það af til að þvo.“ Kringlóttu götin á hliðunum auðvelda barninu að ná í uppáhaldsleikfangið. En er þú setur TIGERFINK út í horn og snýrð heilu hliðunum út getur þú varla séð hvað er þar. „Ég tel að margir foreldrar séu sammála því að það sé gott að þurfa ekki alltaf að sjá leikföngin.“

Rúm fyrir mjúka vini

Þegar TIGERFINK hafði staðist öryggispróf bauð hönnunarteymið hópi af börnum í Barnarannsóknarstofuna til að tryggja að hún virkaði eins og til var ætlast. „Börn eru svo frábær; þau byrjuðu strax að setja leikföng í TIGERFINK, taka þau út aftur og leika sér með þau á flötum toppinum. Alveg eins og við höfðum vonast til.“ En þau komu einnig með nýjar hugmyndir sem Johanna og teyminu hafði ekki dottið í hug. „Einn drengurinn notaði hirsluna sem þrefalda koju fyrir mjúkdýr. Enn ein leið til að nota TIGERFINK.“