Gegnheill viður er uppáhaldshráefnið okkar og hluti af skandinavískri arfleifð okkar. Hann er sígildur og hægt að nota í margt. Viður er endingargóður, fallegur og endurnýjanlegur, óháð tegund. Við leitumst við að nýta þetta hráefni á skynsaman og skilvirkan hátt til að forðast sóun – og við fjárfestum í aðstöðu og flutningum til að við getum aukið notkun á endurunnum við.

HAVSTA línan er undir áhrifum frá hefðbundnum skandinavískum húsgögnum sem eru hönnuð út frá hagkvæmni og einfaldleika. Hún er úr gegnheilli furu og það sést á lögun og yfirborði húsgagnanna. Vönduð hönnunin færir þeim handgert útlit og því búa húsgögnin yfir miklum karakter. Áferðin er burstuð og mött þannig að yfirborðið er slétt og náttúrulegt viðkomu. Útkoman eru glæsileg húsgögn sem bera vott um sígilda hönnun.