Fyrir hluti sem taka pláss í hjörtum okkar og heimilum

Fyrir þunga hluti og óhreina. Fyrir það sem tilheyrir hátíðum og mismunandi árstíðum. Fyrir safngripi eða fyrirferðarmikla hluti. Fyrir dót sem þú ert að geyma fyrir einhvern annan. Fyrir það sem þú vilt geyma til öryggis. Fyrir það sem þú vilt muna og allt sem þú vilt gleyma. Fyrir föt, verkfæri, blómapotta.

Stundum getur okkur liðið eins og hlutirnir sem við höfum safnað í gegnum árin stjórni okkur í stað þess að það sé á hinn veginn. Það getur líka verið erfitt að finna rétta staðinn til að geyma allt sem við þurfum en ekki nota daglega. Hirsla sem er löguð að grófari svæðum heimilisins er ein leið til að komast í kringum vandamálið. Þeir geta hjálpað þér að skipuleggja hluti í ekki svo skipulögðum bílskúrnum, niðri í kjallara, uppi á háalofti eða jafnvel undir gólfborðunum. Verndaðu hlutina þína gegn raka, ryki og ógnvekjandi köngulóm. Verndaðu hlutina þína gegn raka, ryki og ógnvekjandi kóngulóm.

Mismunandi stærðir hjálpa til við að raða hlutum og hugmyndum

Langar þig að skipuleggja þig og halda því þannig? Það er ekki skrýtið! Með kassa í mismunandi stærðum verður auðveldara að finna rétta staðinn fyrir allt, bæði smáhlutina og þá stóru og þungu. Þú getur einnig nýtt þá króka og kima sem þú hefur heima hjá þér. Þú getur verið með litla kassa fyrir litla hluti og lítil rými og stóra kassa þar sem þú hefur pláss.

Skipuleggðu. Geymdu. Slakaðu á.

Stundum getur verið eins og heimilið sé svarthol þar sem hlutir týnast í sífellu. Lok á kassann þinn getur verið einföld lausn á því. Sumum kössum fylgja lok en fyrir aðra þarf að kaupa þau sér. Sumir eru með lása sem innsigla kassana og vernda það sem er inni í þeim. Þeir eru góðir í röku umhverfi eins og í geymslum og bílskúrum. Margir kassar verða staflanlegir þegar þú setur lok á þá en af öryggisástæðum ættirðu ekki að stafla þeim hærra en 90 cm.

Feldu hlutina þína fyrir allra augum

Kassi þarf ekki alltaf að vera eitthvað sem þú setur dót í, gengur frá og gleymir svo. En ef þú vilt gera það þá eru litaðir kassar eitthvað fyrir þig. M eð mismunandi litum fyrir mismunandi hluti verður auðveldara að skipuleggja eigur þínar. Gegnsæir kassar eru frábærir fyrir hluti sem þú leitar oft að eins og græjur eða verkfæri. Þú færð fljótlega yfirlit yfir það sem er í kössunum án þess að þurfa að draga þá út – eitthvað sem getur sparað bæði tíma og pirring.

Kassar prófaðir fyrir alla daga

Sumir kassar gætu litið eins út en það þýðir ekki að þeir séu framleiddir á sama hátt eða úr svipuðum efnum. Besta leiðin til að komast að því hvort þeir þoli daglega notkun (og jafnvel óvænta atburði) er að prófa þá. Þá getur þú verið viss um að dótið sem þú geymir – safnhlutirnir þínir, nauðsynjar og minningar – haldist óskemmt og öruggt. Hér eru nokkur próf sem við setjum kassana okkar í.

Lyftiprófið

Til að tryggja að handföngin haldist, og að smíðin sé traust, erum við með sterka vél sem gerir lyftipróf. Það líkir eftir einstaklingi sem lyftir kassa með allt að 50 kílóum innanborðs. Rétt eins og einhver sem geymir árstíðabundna hluti í bílskúrnum gæti gert. Vélin lyftir kassanum allt að 10.000 sinnum. Það jafngildir því ef þú myndir taka út og setja hátíðaskreytingarnar aftur í geymslu einu sinni á ári í meira en 2.000 ár

Ýta og draga-prófið

Daglegt líf skapar mikið álag á hlutina heima hjá okkur. Því teljum við mikilvægt að prófa kassana okkar. Til að tryggja að hægt sé að draga þá á hörðum og ójöfnu gólffleti erum við með vél sem ýtir og togar í kassana með lóðum í – allt að 10.000 sinnum – en það fer eftir því hvaða kassa við erum að prófa. Stærstu kassarnir eru prófaðir með allt að 50 kg lóðum, eða eins og um það bil 200 pappírskiljum. Með prófuninni sjáum við hvort að smíðin og efniviðurinn virki eins og til er ætlast. Þú getur því dregið og ýtt þungum hlutum á ójöfnum gólfum í mörg ár.

Stöflunarprófið

Ef þú átt mikið af hlutum sem þú þarft að geyma viltu kannski geta staflað kössunum. Það sparar dýrmætt gólfpláss og gefur pláss fyrir aðra hluta lífsins en geymslu. Við prófum alltaf kassana okkar með því að setja í þá lóð og stafla þeim síðan. Prófið er gert til að sjá hvort þung lóðin hafi áhrif á lokið, hjólin og botninn á kössunum. Það er einnig leið til að sjá hversu hátt er hægt að stafla kössunum áður en þeir verða óstöðugir. Til að draga úr hættu á að þeir velti um koll mælum við með því að stafla þeim ekki hærra en 90 cm.