Körfur fylltar tækifærum

Körfur fylltar tækifærum

TJILLEVIPS körfurnar eru úr júta, fjölhæfum plöntutrefjum sem hægt er að móta í fallega og hagnýta hluti fyrir heimilið. Indverski jútuiðnaðurinn er yfirleitt mjög karllægur en einn af birgjum okkar stakk upp á að ráða konur til að framleiða TJILLEVIPS körfurnar. Frumkvæði sem stuðlar að meira jafnrétti og betri tækifærum fyrir konur í indverskum sveitum.

„Einn af birgjum okkar til langs tíma á Kerala-svæðinu hafði samband við mig og stakk upp á því að þeir einbeittu sér að því að ráða aðallega konur til að gera TJILLEVIPS körfurnar okkar,“ segir Nidhi Bhayana, sem vinnur með vefnaðarvöru fyrir IKEA á Indlandi. „Okkur fannst þetta góð hugmynd! Með þessu frumkvæði getum við, ásamt birgjanum, stuðlað að jafnrétti og skapað fleiri tækifæri fyrir konur á svæðinu.“

Hugmynd sem hefur mikil áhrif

Birgirinn byrjaði strax að skipuleggja vinnuna. Þeir byrjuðu á því að ráða konur sem búa nálægt verksmiðjunni og koma úr lægstu tekjuhópunum. Birgirinn fræðir einnig konurnar í heilsu- og öryggismálum, upplýsir um sanngjörn laun og lagaleg réttindi og kennir þeim að nota bankareikning og hraðbankakort. „Launin renna beint til persónulegra reikninga kvennanna. Þetta er leið til að styrkja þær og tryggja að peningarnir renni til þeirra sem vinna verkið,“ útskýrir Nidhi.

Betra daglegt líf

TJILLEVIPS körfurnar eru saumaðar saman í höndunum, verk sem krefst bæði nákvæmni og þolinmæði. „Að heimsækja verksmiðjuna og hitta þessar stoltu og duglegu konur er eitt það besta við starfið mitt. Með stöðugum tekjum fá þær betra tækifæri til að sjá fyrir sér og fjölskyldum sínum. „TJILLEVIPS er frábært dæmi um hvernig einföld hugmynd og lítil karfa getur leitt til nýrra möguleika og mikilla breytinga.“