Trefjaplata er stöðugt og endingargott efni sem unnið er úr afgöngum frá viðariðnaði. Hún er klædd endingargóðu lagi af málningu eða plastþynnu. Munurinn á mismunandi gerðum af trefjaplötum, eins og HDF og MDF, felst aðallega í þykktinni en einnig hversu höggþolnar þær eru. Þetta ákvarðar hvort við notum þær í rúmgrindur, sófa, eldhúsframhliðar, fataskápahurðir eða eitthvað annað.

„Ljóst, snyrtilegt og með mjúkum línum – þar sem hvert smáatriði lítur út fyrir að vera handgert“. Þetta er stutt lýsing á TYSSEDAL svefnherbergishirslunum. Það er þó miklu meira sem við viljum segja þér frá. Til dæmis eru náttborðin og kommóðurnar þrjár með toppplötum með rúnnuðum köntum og mynstruðum skúffubotnum og fataskápurinn er með speglum í hurðum. Allar einingarnar eru á renndum fótum og eru með handföngum úr burstuðu krómi. TYSSEDAL er lína þar sem stíllinn og gæðin koma til með að endast í mörg ár.