Það getur verið gott að vera kassalaga

Þegar við hönnuðum NÄMMARÖ spurðum við okkur: „Hver er besta leiðin til að hanna mjög þægileg útihúsgögn á góðu verði?“ Við fundum svarið. Með því að notast við eitt einfalt form tókst okkur að skapa heildstætt útlit húsgagnanna og lækkuðum framleiðslukostnað. Það eru góðar fréttir fyrir veskið.

„Við vildum að það væri auðvelt að kaupa og nota NÄMMARÖ,“ segir Anders Adler vöruhönnuður. En hann, í samvinnu við þróunarteymið, fann út að stór hluti lausnarinnar lá í einu einföldu formi – ferningnum.

Eitt útlit, margir möguleikar

„Við hönnuðum ramma sem líkist ferningi á lágum fótum,“ útskýrir Anders. Það er formið sem við notum í gegnum alla línuna, hvort sem það eru stólar eða borð. „Ramminn færir NÄMMARÖ samræmt og nútímalegt útlit. Einingaformið gerir það að verkum að framleiðslan verður einfaldari, sem dregur úr kostnaðinn og þar sem NÄMMARÖ línan er öll ferköntuð er auðveldara að pakka henni niður í flatar pakkningar.“ Það heldur verðinu lágu og sparar dýrmætt pláss í flutningum – alla leið frá verksmiðjunni að heimilum viðskiptavina.

Skapaðu þinn sælureit

Í línunni eru hægindastólar og sólbekkir fyrir afslöppun, sófar fyrir góða gesti og borð fyrir notalegar máltíðir undir berum himni. „Þetta snýst um það að finna hvað hentar þér og þínum þörfum. NÄMMARÖ færir þér möguleikana – fyrir ólík útirými og mismunandi fjárhag.“ Húsgögnin eru tiltölulega létt og því er auðvelt að færa þau til að skapa rými fyrir fleiri gesti eða þegar það kemur að því að setja þau í geymslu eftir sumarið. „Það er einn af þessum litlu en mikilvægu hlutum sem gera daglegt líf á pallinum eða svölunum þægilegra,“ segir Anders.