Leiðbeiningar fyrir lofthreinsitæki

Dragðu djúpt andann með það í huga að þú getur andað að þér hreinna lofti heima hjá þér með úrvali okkar lofthreinsitækjum. Kynntu þér hvernig þú setur upp lofthreinsitæki eða loftgæðaskynjara, hvernig þú bætir þeim við snjallheimilið, hvernig þú skiptir um síu og hvað þú átt að gera ef eitthvað fer úrskeiðis.

Hvernig virka lofthreinsitæki?

Loftið heima hjá okkur getur verið mengað af ryki, frjókornum, gasefni og gufu sem myndast eftir eldamennsku. Allt þetta getur haft ertandi áhrif og valdið heilsubrestum. Við trúum því að öll eigi skilið að anda að sér hreinu lofti heima hjá sér og höfum því hannað úrval af lofthreinsitækjum.

Þau koma hreyfingu á loftið með viftu þannig að loftið berst í gegnum síurnar sem fanga stærri agnir á borð við hár og ryk og smærri agnir eins og mengunarefni og frjókorn. Gassíur sía ýmsar mengandi lofttegundir og eyða lykt.

Fyrstu skref með lofthreinsitæki eða skynjara

Uppsetning á lofthreinsitæki eða skynjara

Lofthreinsitækin okkar og skynjarar eru einföld í uppsetningu þannig að þú getur notið þess að anda að þér hreinu lofti heima hjá þér án tafar.

Uppsetning á STARKVIND

1. Festu fæturna á tækið með skrúfunum.
2. Fjarlægðu plastlokið af snúruhólfinu að framan. Þræddu snúruna fram í tækið og settu hana í samband við STARKVIND.
3. Settu innstunguna og það sem er eftir af snúrunni í hólfið og lokið aftur á. Snúran nær allt að 3,3 metra.
4. Taktu út forsíuna og agnasíuna.
5. Fjarlægðu plastpakkningarnar af gassíunni (gassía er valfrjáls). Komdu gassíunni varlega fyrir í grindinni.
6. Fjarlægðu plastpakkningarnar af agnasíunni. Settu síuna í grindina.
7. Smelltu forsíunni aftur á.
8. Festu klemmurnar tvær efst á framhliðinni. Festu framhliðina og læstu henni á sinn stað.
9. Settu STARKVIND í samband og ýttu á hnappinn til að kveikja á því.

1. Leggðu STARKVIND niður á gólf á hvolfi og festu fæturna á það með skrúfunum.
2. Réttu STARKVIND borðið við. Stilltu fæturna til að gera borðið stöðugra.
3. Þræddu snúruna upp og settu hana í samband við STARKVIND.
4. Feldu innstunguna og restina af snúrunni í kassanum og settu plastlokið á.
5. Feldu snúruna í fætinum. Snúran nær allt að 3,3 metra.
6. Taktu út forsíuna og agnasíuna.
7. Fjarlægðu plastpakkningarnar af gassíunni (gassía er valfrjáls). Bættu við gassíunni með því að leggja hana í grindina.
8. Fjarlægðu plastpakkningarnar af agnasíunni. Settu síuna í grindina.
9. Smelltu forsíunni aftur á.
10. Læstu borðplötunni á sinn stað.
11. Settu STARKVIND í samband og ýttu á hnappinn til að kveikja á því.

1. Festu fæturna og síðan handfangið. Slepptu þessu skrefi ef þú ætlar að setja FÖRNUFTIG tækið upp á vegg.
2. Komdu snúrunni fyrir og settu hana í samband við tengistykkið.
3. Taktu út forsíuna og agnasíuna.
4. Fjarlægðu plastpakkningarnar af gassíunni (gassía er valfrjáls). Bættu við gassíunni með því að leggja hana í grindina.
5. Fjarlægðu plastpakkningarnar af agnasíunni. Settu síuna í grindina.
6. Smelltu forsíunni aftur á.
7. Settu rafmagnssnúruna í samband.
8. Stilltu viftuhraða: Lítill (svefnstilling), meðalhratt eða mikill.

1. Komdu snúrunni fyrir.
2. Notaðu meðfylgjandi sniðmát til að mæla og merkja staðsetningu á vegg.
3. Boraðu tvær skrúfur í vegginn þar sem þú merktir fyrir þeim.
4. Hengdu upp FÖRNUFTIG.
5. Tengdu snúruna við tengistykkið.
6. Settu tengistykkið í samband.
7. Kveiktu á FÖRNUFTIG.

1. Leggðu VINDRIKTNING skynjarann uppréttan á flöt, ekki á gólf og fjarri ryki og óhreinindum.
2. Tengdu USB-C snúruna og tengistykkið.
3. Settu tengistykkið í samband.
4. Þegar það er tengt í rafmagn byrjar ljós að blikka. Þegar það er hætt að blikka þá er skynjarinn reiðubúinn.
5. Grænt = góð loftgæði Gult = bærileg loftgæði Rautt = slæm loftgæði
6. Þegar VINDRIKTNING lýsir rauðu ljósi skaltu kveikja á FÖRNUFTIG eða STARKVIND lofthreinsitækinu til að bæta loftgæðin innandyra.
7. Hafðu lofthreinsitækið í minnst 100 cm fjarlægð frá VINDRIKTNING.
8. Þegar loftgæðin eru orðin góð lýsir VINDRIKTNING grænu ljósi.

Staðsetning lofthreinsitækja eða skynjara

Bættu getu lofthreinsitækisins með því að gæta þess að ekkert hindri loftflæði. Útblásturinn ætti að snúa frá fólki til að koma í veg fyrir óþægindi.

Þegar þú tengir STARKVIND við IKEA Home smart appið getur þú skoðað loftgæði, tímastillt tækið, breytt viftuhraða, athugað stöðu sía og margt fleira.

Fyrst þarftu að fá þér TRÅDFRI gátt. Svo sækir þú IKEA Home smart appið sem leiðbeinir þér við að bæta STARKVIND lofthreinsitækinu við gáttina.

Sækja IKEA Home smart appið á Google Play
Sækja IKEA Home smart appið á App Store

Þegar þú tengir FÖRNUFTIG með TRÅDFRI millistykki getur þú stýrt tækinu úr fjarlægð.

Fyrst þarftu að fá þér TRÅDFRI gátt. Svo sækir þú IKEA Home smart appið sem leiðbeinir þér við að bæta FÖRNUFTIG lofthreinsitækinu við gáttina.

Sækja IKEA Home smart appið á Google Play
Sækja IKEA Home smart appið á App Store

Bæði FÖRNUFTIG og STARKVIND lofthreinsitæki eru með forsíu sem fangar stærri agnir eins og hár og ryk og agnasíu sem nær um 99,5% af smærri ögnum á borð við ryk og frjókorn.

Að auki er pláss fyrir gassíu sem dregur í sig mengunarefni eins og formaldehýð og dregur úr vondri lykt.

Þú getur keypt síur og aukahluti í IKEA versluninni, á IKEA.is og IKEA appinu.

„FÖRNUFTIG og STARKVIND eru með forsíu sem fangar stærri agnir og agnasíu sem nær um 99,5% af smærri ögnum á borð við ryk og frjókorn.“

1. Byrjaðu á því taka STARKVIND úr sambandi.
2. Taktu framhliðina af.
3. Fjarlægðu svörtu forsíuna til að komast í agna- og/eða gassíuna.
4. Þegar þú hefur skipt út síunni settu þá STARKVIND aftur í samband og haltu inni endurstillingarhnappinum í 3 sekúndur.

1. Byrjaðu á því taka STARKVIND úr sambandi.
2. Taktu borðplötuna af.
3. Fjarlægðu svörtu forsíuna til að komast í agna- og/eða gassíuna.
4. Þegar þú hefur skipt út síunni settu þá STARKVIND aftur í samband og haltu inni endurstillingarhnappinum í 3 sekúndur.

1. Byrjaðu á því að taka tækið úr sambandi.
2. Opnaðu það með því að toga í miðann á hægri hlið framhliðarinnar. Þetta er forsían.
3. Þá kemst þú í agna- og/eða gassíuna.
4. Þegar þú hefur skipt út síunni settu þá FÖRNUFTIG aftur í samband og haltu inni endurstillingarhnappinum í 3 sekúndur.