Saga
Viður er verðmæt náttúruauðlind. Jafnvel þó hann sé endurnýjanlegur efniviður þarf að nota hann á ábyrgan hátt. Ein leið til þess er að nýta hann svo vel sé. Það gerum við svo sannarlega í borðplötunum með þykkum spóni.
„Við hjá IKEA höfum haft það sem venju að reyna að nýta hráefnin sem við vinnum með sem best,“ segir Johnny Rietz, sem hefur unnið að vöruþróun á borðplötum með þykkum spóni. Vinnan hófst árið 2008 þegar stofnandi IKEA, Ingvar Kamprad, heimsótti eina verksmiðjuna okkar og spurði einfaldrar spurningar sem tók tíma að finna svar við:„Hvernig getum við unnið þessa vöru úr færri trjám?“
Minna er meira
„Eftir nokkrar misjafnar tilraunir fundum við lausn. Spónaplötukjarni sem er klæddur gegnheilum við – og þykkum spóni,“ segir Johnny. „Sambland af hefðbundinni smíðavinnu og nútímalegum framleiðsluaðferðum. Pappírsþunnur spónn hefur verið notaður í ljómandi falleg húsgögn um árabil, en við notum mun þykkari spón í borðplöturnar okkar.“ Þykkur spónninn gerir yfirborðið endingargott og sparar hráefnið – alveg umtalsvert. Það er hægt að framleiða fimm borðplötur með þykkum spóni úr sama magni af við og þarf í eina borðplötu úr gegnheilum við.
Ekkert fer til spillis
Annar kostur þessarar framleiðsluaðferðar er sá að hægt er að nýta allt tréð; stofninn, trjábörkinn, bognar og snúnar greinar, sprek og öllu því sem annars færi til spillis – í spónaplötukjarnann í miðjunni. Að lokum stendur borðplata sem er allt eins ekta og ef hún væri úr gegnheilum við, bara stöðugri og þolir betur raka. „Stundum geta örlitlar breytingar skipt gríðarlegu máli. Eins og sést á borðplötunum okkar. Það sem byrjaði sem áskorun að nýta efniviðinn betur, hefur nú bæði jákvæð áhrif á umhverfið og gæði vörunnar. Mér finnst svo frábært þegar eitthvað svona gerist!“ segir Johnny.
