Staður fyrir heimanámið

Það getur stundum reynst erfitt að finna næði til þess að vinna heimanámið. Með ÖVNING vörunum vildum við auðvelda börnum að finna frið og ró. Bæði í herberginu og í líkama og sál.

„Þegar við höfum verið að fara í heimsóknir og taka viðtöl við börn víðsvegar um heim tökum við eftir því að ekki öll börn hafa sömu þarfir þegar kemur að heimanámi. Sum börn vinna best við skrifborð en önnur vilja vera á hreyfingu eða á gólfinu, segir Anna Carme, ein þeirra sem kom að hönnun línunnar fyrir Barna IKEA. „Þess vegna þarf að hafa sveigjanleika þegar kemur að heimanámi og það hjálpaði okkur að hanna ÖVNING.“

Fyrir fjöruga fætur

Flest börn eiga þó eitt sameiginlegt: þau geta ekki setið kyrr lengi. „Líkamar barna eru fullir af hreyfiorku sem þarf að losa. Vísindarannsóknir hafa einnig sýnt að hreyfing auðveldar nám. Hvort sem það er fjörugur leikur áður en heimanámið hefst eða að hreyfa líkamann meðan á því stendur,“ segir Anna og útskýrir áhrif þessara upplýsinga þegar kom að hönnun fótaskemilsins. „Hægt er að rugga honum með fótunum eða nota hann sem stuðning til að sitja í góðri stöðu.“

Skemmtileg einbeiting

Það skiptir máli að eiga sinn stað til að læra á, en það þarf ekki endilega að vera skrifborð. Skilrúmið ásamt hinum skrifstofuvörunum í ÖVNING línunni gerir þér kleift að skapa þér næði, hvar sem er. Til dæmis á borðstofuborðinu eða í sófanum, og þú getur sett þinn svip á skilrúmið með myndum og fleiru. „Oft er það að hreyfa sig mikið eða grínast talið vera tákn um slæma einbeitingu. Við erum ekki sammála. Þegar heimanámið er skemmtilegt og því fylgir hreyfing getur það hjálpað barninu að einbeita sér. Það getur virkað eins og umbun og hefur jákvæð áhrif.