Saga
SMÅSKRAKE er kannski bæði borð og stóll í senn – en þegar börnin fá að stjórna sjálf getur það orðið nánast hvað sem er. Kannski skrifborð, verslun eða geimflaug.
„IKEA hefur í gegnum árin framleitt mörg smærri húsgögn sem börn hafa elskað,“ segir hönnuðurinn Sarah Fager, en hún hannaði SMÅSKRAKE ásamt samstarfsmanni sínum Henrik Preutz. Þau sóttu innblástur í nokkur þekkt barnahúsgögn sem áður voru í vöruúrvali okkar. „En við hönnuðum SMÅSKRAKE í samræmi við nútíma öryggiskröfur og það er fyrsta húsgagnið sem við höfum búið til sem er mælt með fyrir börn yngri en þriggja ára. Það þýðir að smábörnin geta einnig tekið þátt í leiknum.“
Þrjú húsgögn í einu
Fyrstu teikningarnar sem Sarah og Henrik sendu hvort öðru breyttust að lokum í frumgerðir sem þau þróuðu áfram. „Við veltum þeim við og skoðuðum þær frá ýmsum sjónarhornum, alveg eins og börn gera,“ segir Henrik. „Þannig fundum við sveigjanlega lausn þar sem sama húsgagnið virkar bæði sem borð og stóll í tveimur hæðum. Með fleiri eintökum færðu fleiri möguleika.“ SMÅSKRAKE er stöðugt og öruggt en nógu létt og þægilegt til að hvetja til sjálfstæðs leiks. „Þegar við leyfðum börnum að prófa það voru þau eins óútreiknanleg og búast mátti við“, segir Sarah og hlær. „En að geta lyft og fært húsgagn á eigin spýtur er bæði þroskandi og eflandi fyrir barnið.“
Gert fyrir margra ára leik
SMÅSKRAKE er úr endingargóðu stáli og ljósum bambus. „Bambus heldur lögun sinni, hann er endingargóður og það er þægilegt og hlýlegt að sitja á honum,“ útskýrir Henrik. Þar sem stólarnir er í tveimur mismunandi hæðum er auðvelt að aðlaga þá og borðið að líkömum barna sem eru sífellt að vaxa, segir Sarah. „En þegar SMÅSKRAKE verður að lokum of lítið og lágt til að sitja á getur það erfst til systkina eða vina. Þar breytist það kannski í bíl, leikkofa eða eitthvað allt annað.“
