Saga
Djúpt inn í þöglum skóginum er eitthvað undarlegt á seyði. Broddgaltarfjölskyldan býr í tjástubbi og hefur boðið uglunni, kanínunni og fleiri vinum í te. Fyrir utan skín tunglið og á milli trjánna sést skyndilega glitta í græna áru sem lýsir upp himininn.
„SKOGSDUVA línan færir okkur inn í töfraskóginn sem er stór partur af skandinavískum rótum okkar hér í IKEA,“ segir Anna Edlundh vöruhönnuður. „Skógurinn virðist kannski hljóður og tómur en hann er fullur af lífi og spennandi dýrum og plöntum – jafnvel á köldum vetri.“
Heimur þar sem hægt er að láta sig dreyma
Í vörulínunni má finna rúmfatnað, mjúkdýr og aukahluti þar sem við hittum fyrir dýr sem gjarnan má finna í Skandinavíu. Auk broddgaltarfjölskyldunnar og vina þeirra má þar finna hvítan heimskautaref, otur, gaupu og margt fleira. „Hönnuðurinn Malin Gyllensvaan hefur skapað heillandi heim með spennandi smáatriðum í myndskreytingunum sínum. Þar má til dæmis finna mús sofandi í hengirúmi og aðra mús með þverslaufu. Öll dýrin lifa eins og fólk og ég vona að bæði börn og fullorðnir finni innblástur í sínar eigin sögur fyrir svefninn.“ Mjúkdýrin gera söguhetjunum kleift að lifna við og vera með í leiknum. „VIð vitum að börn eru hrifin að raunverulegum mjúkdýrum og því höfum við vandað okkur við að finna réttu andlitsföllin og svipbrigðin.
Mjúkt eins og mosi
Eitt af því sem Anna heldur mest upp á er græna mottan. „Hún er mjúk og notaleg, eins og mosinn í skóginum, og því hentar hún vel til að leika sér á. Púðarnir í línunni eru eins og mjúk blóm og sveppir sem spretta upp af mottunni.“ Anna vonar að vörulínan stuðli að áhuga og skilningi á skóginum. „Skógurinn er heimkynni dýra og planta og því er svo mikilvægt að við hjálpumst að við að varðveita hann.“
