Í ævintýraskógi

Á fyrstu stigum lífsins fara lítil börn að uppgötva svo margt þar sem öll skynfærin þroskast á ótrúlegum hraða. Leikfangalínan GULLIGAST er líkt og ævintýralegur skógur sem er fullur af sniðugum dýrum og plöntum sem efla þessa mikilvægu þróun með litum, lögun og hljóðum. Leikföngin bjóða barninu að snerta, toga og hlusta – eða bara horfa.

Kanínan, músin og öll hin dýrin hanga, klifra og leika sér í fantasíuheiminum sem hönnuðurinn Stina Lanneskog hefur skapað. „Ég gerði GULLIGAST að ævintýraheimi. Kannski hvetur það fólk til að segja sínar eigin sögur, til dæmis þegar þú stendur við skiptiborðið og ræðir við barnið þitt um dýrin á óróanum.“

Lítil atriði geta haft mikil áhrif

Öll smáatriði dýranna eru vandlega ígrunduð til að stuðla að þroska mismunandi skilningarvita barnsins. „Sterkar litaandstæður, hreyfing og skrjáfandi hljóð í eyra kanínunnar örva augu og eyru og vekja forvitni. Að teygja sig í eitthvað er mikilvæg þjálfun í samhæfingu augna og handa,“ útskýrir Stina. Hugsanlega tekur þú ekki eftir öllum smáatriðunum strax en það er ástæða fyrir þeim. „Kanínan er til dæmis með útsaumuð augnhár sem gefa henni karakter og vingjarnlegt útlit.“

Leikföng sem endast

Allir hlutar GULLIGAST eru hannaðir bæði fyrir nýfætt barn og nokkrum mánuðum síðar þegar það getur gripið og haldið á dýrunum. Síðan er hægt að taka þau af leikslánni – fígúrurnar eru gerðar til að höndla bæði blauta kossa og forvitna fingur sem toga í skrjáfandi eyru. „Seinna, þegar barnið þitt er tilbúið fyrir önnur leikföng, er hægt að afhenda GULLIGAST yngra systkini eða öðru barni sem er tilbúið að uppgötva ævintýrin.“