Sjálfbærara efni
LILLABO
Brú fyrir lest, 5 í setti

1.390,-

Magn: - +
LILLABO
LILLABO

LILLABO

1.390,-
Vefverslun: Til á lager
Allir um borð fyrir margra stunda skemmtun! Hægt er að ferma varning, raða saman lestarteinum og útbúa nýjar samsetningar. Litlu verkfræðingarnir njóta þess að leysa hversdagslegar áskoranir við lestarteinana.
LILLABO brú fyrir lest, 5 í setti

Lest sem er knúin áfram af ímyndunaraflinu

LILLABO viðarlestin er nú orðin nútímalegri og með nýjum hlutum, heldur áfram að auðga ímyndunarafl og hvetja til skapandi leiks. Það er gaman þegar allur aldur getur leikið sér saman og búið til nýja heima á sama tíma og hreyfifærni er örvuð og verkefni eru leyst. Það er einfaldlega leiktími í sinni bestu mynd.

Lestin kemur inn í bæinn með varning, sleppir nokkrum vögnum og heldur svo áfram í fleiri ævintýri. Kynslóðir barna hafa leikið sama leikinn: umbreytt gólfinu í stað þar sem járnbrautarteinar þjóta um í ævintýraheimi þar sem allt er mögulegt. Viðarlestirnar hafa verið framleiddar svona lengi vegna þess að þær henta í mismunandi leiki. Bodil Fritjofsson hannaði LILLABO leikfangalínuna, þar á meðal nýja lestarsettið. „Leikur með lestir er skapandi því barnið byggir lestarteina og umhverfið og er einnig hlutverkaleikur því barnið ímyndar sér að lestin sé raunveruleg“ segir Bodil sem telur að margir foreldrar séu ánægðir með að lestarsettið sé úr gegnheilum sjálfbærum við.

Mætum þörfum barnanna

Hvernig veit Bodil að viðarlestir og önnur viðarleikföng séu ennþá vinsæl hjá börnum í dag? Stór hluti slíkra upplýsinga kemur frá Children's School sem er deild í IKEA sem er eins konar upplýsingabanki með leiðbeiningum um allt sem viðkemur börnum. Jessica Bondesson vinnur þar og útskýrir starfsemi Children's School. „Við viljum hjálpa starfsfólki okkar að skilja þarfir og þroska barna svo IKEA geti hannað góðar og öruggar vörur fyrir börn.“ Jessica er þeirrar skoðunar að LILLABO lestirnar séu viðeigandi nú á þessum tæknivæddu tímum. Leikföng örva ímyndunaraflið, auka rökhugsun og félagsfærni. „Árið 2015 gerðum við könnun á leik barna, Play Report, sem leiddi í ljós að börn um allan heim hafa svipaðar þarfir og að þau vilja gjarnan leika við foreldra sína.“ Foreldrar eru að mestu leyti sammála en samkvæmt könnuninni eru þeir þeirrar skoðunar að fólk eigi að leika sér meira og vinna minna.

Nýir tímar kalla á nýjar lestir

LILLABO hefur verið í vöruúrvali okkar síðan á tíunda áratug 20. aldar. Nýjar og nútímalegar vörur hafa bæst við, þar á meðal hraðlest og litríkar vöruflutningalestir. Börn eiga að geta þekkt lestirnar úr umhverfi sínu, jafnvel þótt leikfangalestirnar séu úr við. Hversu mikið nammi kemst í vöruflutningalest? Hversu þungan farm getur eimreiðin dregið yfir brúna? Með því að uppfæra vörurnar í línunni vilja Bodil og samstarfsfélagar hennar fjölga leikstundum og virkja sköpunarkraftinn. „Lest með ljósi sem gengur fyrir rafhlöðum er hugsuð til þess að hvetja aðeins eldri börn til að leika með LILLABO. Fólk á öllum aldri getur notið þess að skapa ævintýraheim.“

Sjá meira Sjá minna

Efni

Hvað er gegnheill viður?

Gegnheill viður er uppáhaldshráefnið okkar og hluti af skandinavískri arfleifð okkar. Hann er sígildur og hægt að nota í margt. Viður er endingargóður, fallegur og endurnýjanlegur, óháð tegund. Við leitumst við að nýta þetta hráefni á skynsaman og skilvirkan hátt til að forðast sóun – og við fjárfestum í aðstöðu og flutningum til að við getum aukið notkun á endurunnum við.


Bæta við vörum

Aftur efst
+

Vöruvöktun

Áætlað magn

Tilkynning hefur verið stillt

X