Meiri hreyfing

Með Barna IKEA viljum við hvetja til meiri hreyfingar: hoppa, hlaupa, gleði og leikir. Rannsóknir sýna að hreyfing spilar stórt hlutverk í vellíðan barna og er gott veganesti út í lífið.

Maria Ekblom, dósent hjá Swedish School of Sports and Health Sciences, rannsakar áhrif hreyfingar á börn. „Við vitum að hreyfing í réttu magni hefur jákvæð áhrif á líkamann, vöðvastyrk, hjarta- og æðakerfi, blóðþrýsting og blóðsykur.

Líkaminn vill hreyfa sig

„Rannsóknir sýna að hreyfing bætir andlega heilsu og hefur jákvæð áhrif á ákveðna vitsmunalega virkni. Jafnframt hefur hreyfing á barnsaldri áhrif á venjur okkar og heilsu þegar við fullorðnumst. En hversu mikil hreyfing er æskileg? Alþjóðaheilbrigðismálastofnunin (WHO) mælir með að börn milli 5 og 17 ára hreyfi sig að minnsta kosti í klukkustund á dag. Að auki er gott að fá meira krefjandi hreyfingu tvisvar í viku til að fá hjartsláttinn upp.

Finndu taktinn

María er með góð ráð til að finna tíma og orku fyrir reglulega hreyfingu. „Til dæmis er sniðugt að hjóla eða labba í skólann ef möguleiki er á. Eða að leika við vini úti.“ Yngri börn hafa yfirleitt náttúrulega mikla hreyfiþörf en þurfa kannski smá hvatningu þegar þau verða eldri, segir Maria. „Ég tel mikilvægt að gefa börnum tækifæri til að æfa íþróttir eða annað sem passar þeirra áhugasviði og aldri. Og ef þau finna sig í íþróttinni er auðveldara að koma hreyfingu upp í vana – sem endist.“