Betri vinnustundir við skjáinn

Grár og drappaður eru stundum sakaðir um að vera dauflegir. Við erum ekki sammála því. Okkur finnst þeir vera klassískir litir sem passa vel inn á fjölda heimila og skrifstofa. Vissir þú að þeir eru góðir fyrir augun? Að minnsta kosti ef þú eyðir miklum tíma við tölvuna.

„Þegar við þróum skrifstofuhúsgögn hugsum við mikið um vinnuvistfræði. Eitt viðfangsefnið sem við höfum verið að vinna að er að finna hvaða litur hentar best á skrifborðið þegar þú vinnur mikla tölvuvinnu. Sérstaklega ef þú ert líka að kíkja á símann mörgum sinnum á klukkutíma – eitthvað sem ég held að margir tengi við“, segir Anthony Rotman, vöruhönnuður.

Passaðu upp á vini þína

Það reynir á augun þurfa að aðlagast að mismunandi bakgrunni og litaskilum þegar þau hverfa frá tölvuskjánum á símann og aftur á skjáinn. Ein leiðin til að draga úr þessu álagi er að hafa borðplötuna í hlutlausum lit. „Það er ekki til ákveðið svar um hvaða litur sé bestur; það fer eftir smekk og hvers konar vinnu þú gegnir. En ef þú upplifir oft þreytu í augunum og það virkar ekki að fá sér kaffibolla, þá eru góðar líkur á því að borðplata í mildum lit gæti verið málið fyrir þig“, ráðleggur Anthony.

Minna pírð augu og minni höfuðverkur

Það eru fleiri atriði sem geta gert vinnudaginn aðeins auðveldari. Til dæmis dregur matt yfirborð úr glýju. „Glýja, líkt og skörp litaskil getur reynt á augun. Hún gerir það að verkum að við pírum augun og ef við gerum það lengi veldur það oft höfuðverkjum“, segir Anthony. Líkamar okkar hafa ekki fengið nægan tíma, þróunarlega séð, til að venjast því að sitja löngum stundum fyrir framan mismunandi stafræna skjái. „Góðu fréttirnar eru þær að vel úthugsuð smáatriði, sem kosta ekki mikið, geta skipt sköpum í okkar daglega umhverfi – og bætt heilsu okkar og vellíðan þegar fram líða stundir.“