Gott hlaðborð

Uppskriftin sem við notum í hefðbundnu IKEA kjötbollurnar er frá árinu 1985. Síðan þá hafa IKEA kjötbollurnar verið heimsþekktar og gott dæmi um hefðbundna sænska matargerð. En þegar við spurðum viðskiptavini, í þremur heimsálfum, hvernig mat þeir kysu áttuðum við okkur á því að við þyrftum að stækka kjötbolluúrvalið með öðrum bragðgóðum valkostum.

„Það borða ekki allir nauta- eða svínakjöt, og því fórum við inn í eldhús að búa til nýjar uppskriftir.“ segir David Johansson, matreiðslumaður og vöruhönnuður hjá IKEA Food Services. Fyrst komum við með kjúklingabollurnar sem er valkostur fyrir þá sem vilja kjöt, en kannski ekki rautt kjöt. „Þær eru góðar bæði heitar og kaldar, eins og hefðbundnu kjötbollurnar okkar, og við höfum kryddað þær varlega svo þær passi í mismunandi matargerð og þeim hráefnum sem fást á hverjum stað fyrir sig.“

Nýtt bragð í gömlum búningi

Sjálfbærni var einnig drifkrafturinn þegar við komum með nýjungarnar. „Með grænmetisbollunum vildum við bjóða upp á eitthvað sem væri vel metið eins og hefðbundnu kjötbollurnar, en úr grænmeti og hefði því minni umhverfisáhrif,“ útskýrir David. Því næst komu laxa- og þorskbollurnar. Þær innihalda laxabita sem eru of litlir í flök. „Við hugsuðum, því ekki að nota þessa bita í gómsætar fiskibollur?“ segir David.

Kjötbollan endursköpuð, án kjöts

Nýjasta viðbótin er grænkerabollurnar. Þær eru úr baunaprótíni, kartöflum, eplum, höfrum og lauk, en bragð og áferð líkist hefðbundnu kjötbollunum. Ljúffengur kostur ef þú vilt borða minna af kjöti, en elskar samt kjötbollur. „Margt hefur breyst síðan 1985. Nú geta fleiri fengið þekktasta réttinn okkar. Hvort sem mataræðið er almennt, vegan, sérfæði eða taki mið af menningarlegum hefðum.“