IKEA gengur til liðs við áhugasama tölvuleikjaspilara

Þegar þú gerir eitthvað í fyrsta sinn er oft góð hugmynd að gera það með aðstoð vinar. Það er einmitt það sem við gerðum þegar við hönnuðum skrifborð, stóla, hirslur og aukahluti fyrir dygga tölvuleikjaspilara. Við hófum samstarf við ASUS Republic of Gamers (ROG), eitt af þekktustu fyrirtækjum tölvuleikjaheimsins. Saman vonumst við til að færa tölvuleikjaspilurum fleiri sigra og skapa betra tölvuleikjaumhverfi á heimilum.

„IKEA og ROG eiga margt sameiginlegt, við erum tvö forvitin fyrirtæki sem viljum skilja tölvuleikjaspilara og þarfir þeirra,“ segir Ewa Rychert frá IKEA.

Spilaðu til að lifa. Lifðu til að spila.

Samstarfið gefur okkur tækifæri til að sameina það besta úr tveimur heimum fyrir milljónir tölvuleikjaspilara – sem er ágætis hluti af mannkyninu. „IKEA býr yfir góðri þekkingu á lífinu heima fyrir og ROG er sérfræðingur í tölvubúnaði og tækni. Saman getum við veitt bæði spilurum og þeim sem þeir búa með innblástur“, segir YuCheng Chou, yfirmaður alþjóðlegra samstarfa hjá ROG. Eva tekur undir það og heldur áfram: „ROG veitti okkur einstakan aðgang að þeirra heimi. Meðan á hönnuninni stóð hittum við nokkra af atvinnutölvuleikjaspilurunum þeirra. Sem gerði það að verkum að við fengum ýmsar hugmyndir sem geta gert hversdagsleikann betri“.

Spila. Kanna. Tengjast. Endurtaka.

Ewa bendir á að leikir séu frábær leið til að læra, kanna og tengjast öðru fólki. Margir spilarar æfa og borða eins og atvinnuíþróttamenn til að halda forskoti sínu. „Lausnir sem gera þér kleift að sitja þægilega lengi hjálpa þér í leiknum, sama hversu góður þú ert. Við þróuðum vinnuvistvæn og húsgögn sem nýta plássið vel og fylgihluti sem halda leikjastöðinni snyrtilegri og skipulagðri. Þegar þessir hlutir eru til staðar verður skemmtilegra að spila, auðveldara að einbeita sér og líkurnar á að komast á toppinn aukast.“