Grænni vörur

Stundum finnum við nýtt hráefni á óvæntustu stöðum. Skúfgras er eitt dæmi þess. Það er gras sem notað er til að bæta vatnsskilyrði í rækjueldi. Einnig er hægt að nota það í einstakar handgerðar vörur fyrir heimilið, og til að gera lífsviðurværi þeirra sem vinna þær sjálfbærara.

Ni Duong Van prófessor við Can Tho háskólann í Víetnam veit allt sem vert er að vita um skúfgras, votlendisplöntu með langar og sterkar trefjar. „Hún er upprunnin í Víetnam en á tíunda áratugnum þegar meira af landi var nýtt undir fiskeldi – og þá sérstaklega rækjueldi – var mikið af skúfgrasinu hreinsað burt. Það reyndist vera mistök,“ segir Duong Van prófessor.

Betri aðstæður

Nokkrum árum síðar höfðu um 90% rækjanna drepist. Eftir nákvæmar rannsóknir kom í ljós að fæða rækjanna hafði safnast saman í botninn og mengað vatnið. „Það var engin planta til staðar sem gat hreinsað mengað vatnið svo ég gerði tilraunir með nokkrar staðbundnar plöntutegundir. Skúfgrasið reyndist best þar sem það vex þétt og þolir mikla seltu, en það eru kjöraðstæður fyrir rækjueldi.“ Þegar grasið var ræktað aftur á rækjueldisstöðvunum urðu rækjurnar fljótt heilbrigðari – skaðlegum sjúkdómum fækkaði um allt að 70%. Góður árangur, en það kostði líka meiri vinnu við að halda hraðvaxandi grasinu í skefjum.

Afgangshráefni verður að handgerðri vöru

„Það er mikil vinna að skera niður grasið og halda því við. Okkur fannst að það yrði gott ef hægt væri að gera eitthvað úr allri þessari vinnu og plöntuúrganginum sem eftir stendur fyrir bændurna,“ segir prófessorinn. Ein leiðin er sú að nýta plöntuúrganginn í nytjahluti – eina og þá sem eru í LUSTIGKURRE línunni. Það eru vörur sem ekki eingöngu bæta lífsviðurværi bændanna – heldur einnig handverksfólkið ásamt því að þú færð tækifæri til að skreyta heimilið með einstöku handverki.