Það eru ekki hraðvirku tískubylgjurnar sem hafa áhrif á litina á eldhúshurðum og skúffuframhliðum okkar, þess í stað horfum við til hægari hreyfinga í heiminum – hvort sem eldhúsið er stórt, lítið, nútímalegt eða hefðbundið. Þegar þú hefur fundið rétta litinn fyrir þig getur þú haldið áfram að velja hnúða, höldur og ýmsa aukahluti. Allir þessir hlutir eru það sem gerir eldhúsið að þínu.

Spónaplata er unnin úr endurunnum við og afgöngum frá sögunarverksmiðjum – þannig verður viður sem ekki er í réttum lit, viðarflísar og sag að auðlind í stað þess að enda mögulega sem rusl. Við notum plöturnar í hluti eins og bókaskápa, rúmgrindur, sófa og eldhússkápa. Til að verja þær fyrir sliti og raka setjum við á þær lakk, viðarspón eða filmu sem bætir útlit húsgagnsins.