Meira hirslupláss með hjálp víða að

OMAR hirslurnar hafa verið í uppáhaldi víða um heim frá árinu 2003. Þannig að þegar við ákváðum að bæta við fleiri vörum í línuna þá báðum við heiminn um aðstoð. Jafnvel þótt við vissum að þarfir fólks væru mismunandi á milli landa, vildum við vera viss um að það sem við bættum við kæmi að góðum notum – hvar sem væri í heiminum.

Við byrjuðum á sama stað og alltaf – inni á heimilinu. Því fór Karin Blindh Pederson og samstarfsfólk hennar inn á heimili víða um heim og gerðu rannsókn á hirslum fólks. Karin segist hafa búist við því að sjá helst matvörur og lítil heimilistæki í hirslueiningum eins og OMAR og þá helst í nágrenni við eldhúsið. „Það má vera að það sé augljóst, en við vorum hissa á að sjá að OMAR var hvar sem fólk hafði pláss – í litlum skonsum, þvottaherbergjum, á yfirbyggðum svölum og við innganga, “ segir hún. „Við sáum eina hirslu úti í bílskúr þar sem öðru megin voru vatns- og vínflöskur og hinu megin lista- og föndurvörur og verkfæri.“ Þau notuðu svo þessa nýju innsýn ásamt eldri vörum og uppástungum frá verksmiðjunni og komu með 15-20 vöruhugmyndir sem gerðu OMAR hirslurnar enn hagkvæmari og sveigjanlegri. Skúffur. Körfur. Breiðari einingar. Fleiri liti. Hjól. Svo reyndu þau svolítið nýtt.

Endurgjöf víða að

Þau báðu heiminn um aðstoð! Sölufólk í 38 löndum fengu uppköst og myndir af hugmyndum af nýju OMAR vörunum. Terri Dierolf var ein þeirra. Sem sölustjóri hefur hún góða hugmynd um hvaða vörur myndu seljast í Bandaríkjunum. „Hönnunarteymið sagði við okkur: Hér eru okkar hugmyndir. Hvað finnst ykkur?“, segir Terri. Hún segir einnig að venjulega sjái hún og annað sölufólk ekki vöruna fyrr en hún er tilbúin. „Oft þarf bara einhverjar smá breytingar til að varan sé betri“, bætir hún við. „Núna fengum við að vera með frá upphafi og gátum komið með tillögur að breytingum í ferlinu og því eru vörurnar sem urðu til hentugri fyrir fleiri.“ Að lokum fóru Karin og OMAR-hópurinn yfir allar athugasemdir, komust að niðurstöðu og unnu svo með Bandaríkjunum, Kanada, Kína, Ítalíu og Rússlandi til að velja úr hugmyndunum. Aðeins þrjár vörur stóðu eftir.

Niðurstöður samvinnunnar

Vörurnar sem urðu fyrir valinu eru ekki stórar en þær gera mikið gagn þegar það kemur að því að geyma fleira, nýta áður ónýtt pláss og tengja saman hillur – hilluhlíf, karfa með klemmu og tengistykki. Terri var hrifin af hilluhlífinni frá upphafi. „Mér finnst hún mjög sniðug. Þú getur sett fleira í hilluna án þess að nokkuð detti í gegnum hana og setur meiri iðnaðarbrag á OMAR.“ Þar að auki þá passa aukahlutirnir við OMAR hillurnar sem voru til fyrir og því getur þú nýtt þær sem þú átt til fulls. „Verkefnið var mikil áskorun þar sem það voru margir um hituna, eins og sagt er,“ segir Karin. „En þegar sölufólkið sá lokavörurnar var mjög gaman að geta sagt: Sjáið hvað þið hafið gert.“ Terri er henni sammála. „Ég var mjög stolt þegar ég sá aukahlutina fyrst, því mér fannst ég eiga hlutdeild í þeim. Þessi aðferð hjálpar öllum.“