Bókaskápurinn sívinsæli betrumbættur

Bókaskápurinn sívinsæli betrumbættur

BILLY bókaskápurinn hefur verið í uppáhaldi hjá viðskiptavinum okkar í meira en 40 ár – en það þarf einnig að uppfæra trygga þjóna stöku sinnum. Þess vegna skoðuðum við þessa hetju hirslnanna aðeins betur og fengum nokkrar hugmyndir. Ein breytingin skilar sér í betri notkun á efni og önnur auðveldar samsetningu og að taka hann aftur í sundur.

„BILLY kom fyrst fram á sjónarsviðið árið 1979 og hefur hjálpað fólki að geyma bækur og aðra hluti alla tíð síðan. Heimurinn breytist í sífellu og jafnvel vinsælustu vörurnar þurfa að þróast til að komast til móts við nýja lifnaðarhætti og kröfur,“ segir Umut Ates hjá IKEA.

Pappír er hentugt hráefni

BILLY var áður með þunnan viðarspón sem ysta lag en nú hefur honum verið skipt út fyrir sterka pappírsþynnu. „Á pappírsþynnunum er áprentuð mismunandi viðaráferð sem er afar raunveruleg. Þetta felur einnig í sér að við notum minna magn af við í hvern BILLY skáp,“ segir Umut. Við viljum fara vel með auðlindir jarðar með því að nota ekki meira en nauðsynlegt er. „Þetta þýðir líka að BILLY verður ódýrari fyrir viðskiptavini.“

Einfalt að setja saman og taka í sundur

BILLY er afar fjölhæfur – hann getur verið hvar sem er á heimilinu, dæmis í stofunni, heimaskrifstofunni eða barnaherberginu. Það er einfalt að bæta fleiri einingum við og hann passar vel við önnur húsgögn. En það var eitt sem við tókum eftir að mætti bæta. Það er hvernig hann er settur saman og tekinn í sundur. „Áður þurfti að negla um 50 litla nagla til að festa bakhliðina, en ekki lengur. Nú er henni smellt á, án verkfæra,“ útskýrir Umut. Þetta einfaldar líka ferlið við að taka BILLY í sundur og minnkar líkurnar á að hann skemmist við flutninga eða endursölu. „Endurbæturnar gefa BILLY meiri aðlögunarhæfni – hann getur fylgt þér í gegnum ýmsar breytingar á lífsleiðinni – og það kæmi mér ekki á óvart ef þessi ástkæra hirsla yrði enn jafn vinsæl eftir 40 ár.“