Spónaplata er unnin úr endurunnum við og afgöngum frá sögunarverksmiðjum – þannig verður viður sem ekki er í réttum lit, viðarflísar og sag að auðlind í stað þess að enda mögulega sem rusl. Við notum plöturnar í hluti eins og bókaskápa, rúmgrindur, sófa og eldhússkápa. Til að verja þær fyrir sliti og raka setjum við á þær lakk, viðarspón eða filmu sem bætir útlit húsgagnsins.

„Það getur verið mjög krefjandi að búa í litlu rými þegar það kemur að hirsluplássi. Það vildum við leysa með BRIMNES línunni – hagkvæmum svefnherbergishúsgögnum þar sem er nóg af plássi fyrir hlutina þína, og á hagkvæmu verði. Snyrtiborðið er eitt dæmi þess. Skúffan er rúmgóð og hentug, en lokið er á lömum og með spegli. Hvort sem þú notar borðið sem snyrtiborð, skrifborð eða hliðarborð þá passar það vel við önnur húsgögn í línunni.“

Það er auðvelt að koma öllu dótinu þínu fyrir í BRIMNES línunni, hvar sem þú vilt á heimilinu – jafnvel þar sem rýmið er lítið. Þú getur blandað saman kommóðum, fataskápum og öðrum húsgögnum eins og þér hentar og meira að segja rúmin bjóða upp á sniðugar hirslur.