Gler er að mestu úr sandi, natróni og kalki sem er brætt á háum hita. Hægt er að herða glerið eða bæta við það mismunandi aukaefnum til að gera það einstaklega sterkt og höggþolið og í sumum tilfellum má jafnvel taka það úr frysti og setja beint í heitan ofn án þess að það springi. Stór kostur við glerið er að það er hægt að endurvinna það aftur og aftur án þess að það tapi gæðum. Það þarf líka minni orku til að bræða endurunnið gler en til að framleiða nýtt gler. Markmið okkar er að nota eingöngu endurunnið gler í vöruvali okkar í framtíðinni.

„Ég vil hanna vörur sem eru tímalausar og ósviknar, bæði hvað varðar form og efni. EVEDAL línan fær innblástur frá skandinavískri hönnun frá miðri tuttugustu öld og það sem ég sækist eftir er að ljósin séu eitthvað sem þú vilt eiga alla þína ævi og jafnvel arfleiða næstu kynslóð. Það sem er einkennandi við línuna er ytri skermurinn sem er úr lituðu gleri og fangar lýsinguna – eitthvað sem ég tel að gefi ljósi ljóðrænt útlit sitt."