Skál fyrir kristalgleri

Kristall hefur lengi verið eftirsóttur vegna ljómans, gæðanna og hljómsins sem hann myndar þegar glösum er klingt eða þeim strokið. En hefðbundinn kristall er framleiddur með því að blanda blýi við gler, efni sem er bæði heilsuspillandi og ósjálfbær. Við höfum ákveðið að nota ekki blý í vörurnar okkar. Því völdum við kristalgler í DYRGRIP glösin okkar. Og kölluðum til þekktan sænskan glerhönnuð.

„Kristalgler býður upp á svipaðan ljóma og tærleika og hefðbundinn kristall en er án blýs,“ útskýrir Misco Veselinovi sem er sérfræðingur í gleri hjá IKEA. „Og fallegi ómurinn er þarna enn.“

Gæða valkostur

Einn hluti starfsins hjá Misco er að tryggja að vörurnar okkar standist eða fari jafnvel fram úr öllum öryggis- og gæðareglum sem settar eru af mismunandi löndum og stofnunum. „Við finnum ströngustu reglurnar sem til eru á heimsvísu og notum þær fyrir vörurnar okkar,“ segir Misco. „Það sama á við um styrkleika og endingu. Við leitum eftir ströngustu stöðlunum og reynum að standast þá.“ Kristalgler er sérstaklega endingargott gler. Það brotnar síður en aðrar tegundir af gleri, má fara í uppþvottavél og heldur ljómanum lengur.

Skálum fyrir hönnuninni

DYRGRIP var hannað af virtum sænskum gler- og keramíkhönnuði Ingegerd Råman. Verðlaunaverk hennar eru alltaf yfirlætislaus blanda af virkni og fegurð. Ingegerd segir hvað fór í gegnum huga hennar við hönnunin og hvernig hún fann réttu hlutföllin á milli fótarins, standsins og belgsins. Hún lagði sig fram við að ná fram fullkomnu samræmi en dregur úr mikilvægi sínu. „Þú þarft ekki að vita þetta. Þú átt bara að finna það þegar þú lyftir glasinu, “ segir hún um leið og hún útskýrir hvernig gæði kristalglersins ýtir undir eiginleika drykkjarins. „Það er drykkurinn sem á að vera í brennidepli,“ útskýrir hún. Aðalskrautið er það sem þú setur í glasið.“