Bambus er grastegund sem getur vaxið um allt að einn metra á dag. Hann sáir sér hratt og þarf lítið sem ekkert af áburði og skordýraeitri. Bambus er hægt að nota í vefnað og sem stöðugt og harðgert hráefni sem hentar vel í húsgögn. Eiginleikar hans gera það að verkum að hægt er að nota þunnt lag í húsgagnagerðina sem hefur áhrif á hönnun og krefst minna af hráefni. Við notum ofinn bambus í körfur og lampaskerma og harðan bambus meðal annars í kassa, skurðarbretti, borð og stóla.

Það eru til margar gerðir af skurðarbrettum, og þau eru öll góð fyrir mismunandi hluti. Eldhúsverkin eru mun hreinlegri ef þú notar sér skurðarbretti fyrir mismunandi hráefni. Mundu að skurðarbretti eiga að vera mjúk til að eyðileggja ekki bitið á hnífnum - efni eins og viður eða plast eru ákjósanlegust. Viðarskurðarbretti eru varnalegri en plastskurðarbretti, en það er auðveldara að lyfta og þrífa plastið. Þú ættir að hafa not fyrir báðar gerðirnar.

APTITLIG skurðarbrettin eru gerð úr bambus, sem vex hratt og endist lengi, en þessi efniviður er endurnýjanlegur og býður upp á mjög endingargott og rispuþolið yfirborð. Því henta brettin vel fyrir allt frá því að skera niður fínlega steinselju að því að saxa gulrætur.

Skurðarbretti úr tré er stöðugt og gott fyrir hnífana. Með almennilegu viðhaldi getur það nýst þér lengi. Berðu olíu á brettið áður en þú notar það. Og svo reglulega eftir það. Þvoðu það alltaf í höndunum og láttu það liggja á hlið á meðan það þornar. Þegar brettið fer að líta illa út skaltu pússa það og bera aftur á það olíu - og brettið verður eins og nýtt