Góð vara á lágu verði

Já, þú last verðið rétt ―TILLGÅNG bakkinn kostar ekki meira. En hversu endingargóður og gagnlegur getur plastbakki á þessu verði verið? Við þorum að segja nokkuð gott í raun ― sérstaklega eftir að hafa látið bæði tilraunastofu okkar og samstarfsfólk prófa hann. En það má velta fyrir sér hvað gestir veitingastaðarins IKEA voru að hugsa þegar þeir sáu vöruhönnuðinn Andrew Deverell ganga upp og niður stigann með fullan bakka. „Ég vildi vera viss um að það væri nóg pláss á bakkanum fyrir máltíð fyrir einn og að allt stæði stöðugt á yfirborði bakkans þegar ég gengi upp og niður stiga,“ útskýrir Andrew Deverell. „Það er hægt að reikna margt út en við verðum líka að prófa hvernig vörurnar okkar virka í daglegu lífi fólks.“

Lágt verð var skilyrði alveg frá upphafi. Andrew og teymið þurftu því að finna jafnvægi milli gæða, virkni og verðs í hverju smáatriði. „Við viljum nota gott plast sem er einnig sterkt og má þvo í þvottavél. Með því að vera sniðug í hönnunarferlinu nýttum við plastið á skilvirkan hátt ― þannig lækkuðum við kostnaðinn“, segir Andrew og sýnir hvernig TILLGÅNG er orðið aðeins styttri, mjórri og þynnri en margir hefðbundnir bakkar. „Það er eins og bakkinn hafi minnkað örlítið en hann passar samt á flesta bakkavagna sem notaðir eru á veitingastöðum.“

Falin smáatriði sem gera gæfumuninn

Gæði eru ekki alltaf augljós við fyrstu sýn. Andrew snýr bakkanum við og sýnir hvernig hornin eru örlítið hækkuð og að það sé lítils háttar hækkun undir sem bakkinn hvílir á. Það kemur í veg fyrir að lofttæmi myndist á milli bakkanna og að þeir festist saman þegar þeim er staflað. „Mér finnst gaman að vinna með lítil falin smáatriði,“ segir Andrew. „Eitthvað sem er ekki sýnilegt en þó augljóst þegar varan er notuð og sem gerir daglegt líf fólks aðeins betra.“