Þú finnur ryðfrítt stál í allt frá byggingamannvirkjum og bílum til vaska og hnífa, Það er auðvelt að sjá hvers vegna það er notað í svona margt. Ryðfrítt stál er hart og endingargott og tærist lítið – sem sagt ryðgar ekki. Það inniheldur vanalega lítið af nikkeli og í IKEA vörur er aðallega notað nikkelfrítt stál. Eins og með marga aðra málma er hægt að endurvinna það aftur og aftur í nýja slitsterka hluti – án þess að það tapi dýrmætum eiginleikum sínum.

Öll hnífapör þarfnast svolítillar umhirðu til að halda upphaflegu útliti. Hreinsaðu matarleifar af hnífapörunum strax, jafnvel þótt þú ætlir að bíða með að vaska þau upp. Ef þú átt uppþvottavél skaltu velja styttra kerfi og þurrkaðu hnífapörin í höndunum. Þannig nærðu að koma í veg fyrir ryðbletti eftir matarleifar og eftir að hnífapörin hafa verið of lengi í hitanum og rakanum í uppþvottavélinni. Góð ráð þurfa ekki að vera dýr.

Notaðu hendurnar og augun til að hjálpa þér að velja hnífapörin. Líkar þér við lögunina og áferðina? Fara þau vel í hendi? Því meira af efni sem í hnífapörunum eru, því betra er yfirleitt að halda á þeim. Magn efnisins og framleiðsluferlið eru þó þeir þættir sem hafa mestu áhrifin á verðið. Fylgdu eðlisávísuninni – þú veist hvaða hnífapör eru best fyrir þig.