„TESAMMANS línan býður þér að kynnast og færa liti inn á heimilið með ýmsum hætti. Við lékum okkur að töfrum lita þar sem þeir hafa getuna til að umbreyta hlutum og blönduðum skærum og mildum litum saman á ólíkum efnivið. Litur er aðeins partur af heild og það er í bland við aðra hluti og liti sem hann lifnar við. Við vonum að línan færi heimilum og fólki gleði.“

Þegar við hönnuðum TESAMMANS línuna unnum við með litasérfræðingunum og hönnunardúóinu Raw Color sem samanstendur af Daniera ter Haar og Christoph Brach. Saman skoðuðum við tilfinningalegar hliðar á litum og hvernig litir tala saman í ólíku efni og formi. Þannig varð til litrík lína sem fór umfram allar væntingar þar sem lífleg litasamsetningin umbreytir einföldum formum.

Hreinlætispappír er úr nokkrum lögum af þunnum krepuðum pappír. Það gerir hann mjúkan og rakadrægan sem hentar vel fyrir servíettur og eldhúsrúllupappír – og með því að þrykkja, lita og setja á hann mynstur fær hann mismunandi karakter og stíl til að prýða matarborðið með. Við leggjum okkur fram við að nota meira og meira af endurunnum pappír sem efnivið. Servíettur og eldhúsrúllupappír sem hafa komist í snertingu við matarafganga og fitu er samt ekki hægt að endurvinna, en þau mega fara í lífræna ruslið.