Að handhnýta mottur er flókið ferli sem gerir þær bæði einstakar og endingargóðar. Fær vefari hnýtir hvern hnút fyrir sig utan um tvo þræði og myndar þannig margslungið mynstur. Þegar vefarinn hefur lokið að hnýta hverja röð fyrir sig þéttir hann hnútana saman með greiðu eða vefjarskeið. Ferlið er endurtekið þar til mottan er tilbúin en það getur tekið 37-40 daga. Allar handhnýttar mottur eru einstakar og með margslungnum mynstrum sem ekki er hægt að leika eftir með annarri vefnaðartækni.

Ull er hentugt efni sem kemur venjulega af kindum. Óunnin ull er þvegin og síðan spunnin í garn. Ullarmottur eiga marga kosti. Þær eru mjúkar, hlýjar, það er þægilegt að ganga á þeim og þær endast líka vel. Þær eru líka blettavarðar, þar sem ullin inniheldur náttúrulega olíu sem hrindir frá óhreinindum. Sem þýðir að óhreinindin halda sig á yfirborðinu en fara ekki inn í mottuna. Allar ullamottur fara úr hárum - sumar meira en aðrar - ryksugaðu þær reglulega til að hindra að laus hár berist út um allt.