Ull er hentugt efni sem kemur venjulega af kindum. Óunnin ull er þvegin og síðan spunnin í garn. Ullarmottur eiga marga kosti. Þær eru mjúkar, hlýjar, það er þægilegt að ganga á þeim og þær endast líka vel. Þær eru líka blettavarðar, þar sem ullin inniheldur náttúrulega olíu sem hrindir frá óhreinindum. Sem þýðir að óhreinindin halda sig á yfirborðinu en fara ekki inn í mottuna. Allar ullamottur fara úr hárum - sumar meira en aðrar - ryksugaðu þær reglulega til að hindra að laus hár berist út um allt.

Flatofnar mottur eru byggðar á láréttum þráðum (ívafi) sem eru ofnir yfir og undir lóðrétta þræði (varp) þar til mottan er fullgerð. Flatar mottur eru ólíkar öðrum mottum eins og þeim sem eru smyrnaðar þar sem það myndast ekki hátt flos heldur verður yfirborðið jafnt og slétt. Þessi tækni hentar vel fyrir flókna hönnun og mynstur og motturnar verða yfirleitt léttar og endingargóðar. Það má líka snúa þeim við og auðvelt að þvo og því eru þessar mottur hagkvæmar og vinsælar.

STOPP og STOPP FILT eru stöm undirlög sem halda mottunum þínum á sínum stað svo enginn detti um þær. Klipptu undirlagið í hvaða stærð sem er. STOPP FILT, sem er 4 mm á þykkt, hjálpar líka til við að vernda handhnýttar mottur og lætur allar motturnar þínar virðast þykkari og mýkri.