„DAKSJUS sjálfsvökvandi blómapottur auðveldar þér að leggja rækt við plönturnar þínar. Sérstaklega ef þú átt það til að gleyma því að vökva þær. Í pottinum fá plönturnar þann vökva sem þær þarfnast og þar sem hann er með fjögur hólf getur þú plantað ólíkum plöntum eða blómum með mismunandi mold eftir þörfum. Steinleirinn skapar skemmtilegt mótvægi við terrakottaleirinn sem kemur einstaklega vel út með plöntum. Við vonum að blómapotturinn hjálpi plöntunum þínum að blómstra!"

DAKSJUS línan snýst um gleðina sem fylgir plöntum og gróðurrækt. Við vonum að hún hvetji þig til að umkringja þig grænum gleðigjöfum sem veita orku og fríska upp á andrúmsloftið. Í línunni eru plöntustandar, blómapottar og -vasar sem auðvelda þér að rækta og skarta plöntum, jafnvel í smærri rýmum. Svo eru einnig aukahlutir sem einfalda málið. Gefðu sköpunarkraftinum lausan tauminn og fylltu heimilið af plöntum, lit og gleði.

Keramik er hitaþolið og endingargott – og grunnefnið er mismunandi tegundir af leir. Það hefur verið notað í hagnýta hluti í þúsundir ára. Terrakotta er keramiktegund þar sem brenndur leirinn er með einstökum rauðbrúnum lit og gljúpa áferð. Við í IKEA notum terrakotta aðallega í blómapotta.