VAPPEBY lampi með hátalara – lýsing og tónlist fyrir útisvæðið

VAPPEBY hátalaralampinn er þráðlaus og gerir þér kleift að spila tónlist úti. Hægt er að hlaða hann, hann er með innbyggðri LED ljósaperu með tveim birtustillingum og tónlist sem heyrist vel í allar áttir. Hann er IP65 staðlaður og þolir því regn og þú getur notað hann í hvaða veðri sem er. Hátalarinn lítur út eins og lukt og er með handhægu handfangi. Hann hentar bæði heima og á ferðinni.

„Við sjáum VAPPEBY sem algera nauðsyn á svalirnar, pallinn eða hvar sem er. Hljómur og lýsing haldast í hendur þegar verið er að búa til þægilega stemningu með vinum og fjölskyldu. Tvær birtustillingar, endingargóð rafhlaða – vara sem endist vel og býr til rétta andrúmsloftið,“ segir Stjepan Begic, vörustjóri hjá IKEA of Sweden.

„Spotify tap“

Bluetooth hátalarinn er með Spotify Tap. Þegar þú ýtir einu sinni á aflhnappinn byrjar Spotify að spila þar sem frá var horfið. Þegar þú ýtir aftur á hnappinn finnur Spotify nýja tónlist sem þér gæti líkað. VAPPEBY virkar líka með öðrum streymisþjónustum eða tónlistarveitum í tækinu sem hann er tengdur viið.