Pólýester er endingargott, einangrandi efni sem þornar hratt og er tilvalið í vefnað eins og fyllingu í kodda, sængur og húsgögn. Efnið er unnið úr hráolíu sem er takmörkuð auðlind. Þar sem IKEA vill leggja sitt að mörkum í að draga úr notkun hráolíu erum við smám saman að skipta yfir í endurunnið og rekjanlegt pólýester sem meðal annars er unnið úr PET-flöskum. Það sem er gott við pólýester er að það er hægt að endurvinna það aftur og aftur án þess að það tapi eiginleikum sínum.

„Þegar ég hannaði TUFJORD vildi ég gera rúmið sem þægilegast og mýkst, eins og það væri að faðma mann að sér. Bogadreginn höfðagaflinn skapar notalegt afdrep sem er fullkomið til að lesa, kúra og slappa af eftir langan dag. Fagurlega lagaðir fætur og fallega mjúkt áklæðið gerir rúmið að lúxushvílu. Ég vonast til þess að TUFJORD verði uppáhaldsstaðurinn þinn og auki lífsgæði þín bæði dag og nótt.“